როგორც საბანაძე განმარტავს, საქართველოში დემოკრატიის ხარისხი დღეს პრობლემას წარმოადგენს, თუმცა, დასძენს, რომ არის იმის პოტენციალი, რომ ქვეყანა დაბრუნდეს რეფორმების და განვითარების გზაზე.
„ ძალიან დიდი იმედი მაქვს, რომ ძალიან აქტიურად მიმდინარეობს მუშაობა, განსაკუთრებით სკეპტიკურ ქვეყნებში. აქ მნიშვნელოვანია ჩვენი პოზიციონირება და არგუმენტები. მათი სკეპტიციზმი ჰაერიდან მოსული არ არის.
როდესაც საქმე ეხება გარკვეული კრიტერიუმების დაკმაყოფილებას, ამ შემთხვევაში საქართველო ჩამორჩება. 2 წლის წინ უკეთეს ფორმაში იყო, ვიდრე დღეს. ეს ფანჯარა რომ 2 წლის წინ გახსნილიყო, ჩვენ უფრო უკეთესი და თამამი ვიქნებოდით ამ გადაწყვეტილების მოლოდინში.
არის იმის პოტენციალი, რომ ქვეყანა დაბრუნდეს რეფორმების და განვითარების გზაზე, რაც მთავარია დემოკრატიის ხარისხი გაუმჯობესდეს. საქართველოში დემოკრატიის ხარისხი დღეს პრობლემაა, რომელიც ჩამორჩება მოლდოვასაც და უკრაინასაც. ამის ახსნაა საჭირო და დამაჯერებელი არგუმენტი, რომ ეს ქვეყანაში შეიცვლება. ჩემი აზრით, ძალიან მნიშვნელოვანია, რომ სკეპტიკურ ქვეყნებს ვესაუბროთ, თუ რა ხეირს ნახავს ევროკავშირი, რა არის ევროკავშირის ინტერესებში.