ანა დოლიძე - დღეს რომ ონკანში წყალი გვაქვს, ეს  ჩვენი უფლებაა, გარეთ 21-ე საუკუნეა- დღეს რომ ადამიანს წყალი არ აქვს რომელ ევროკავშირში გვინდა შესვლა?

დღეს რომ ონკანში წყალი გვაქვს, ეს ჩვენი უფლებაა, გარეთ 21-ე საუკუნეა. ჩვენს ქვეყანას აქვს ათიათასობით მდინარე და წყლის რესურსი, ასევე ასეთი მომსახურებებისთვის გადასახადებს ვიხდით. დღეს რომ ადამიანს წყალი არ აქვს რომელ ევროკავშირში გვინდა შესვლა? - ამის შესახებ პარტია „ხალხისთვის“ ლიდერმა, ანა დოლიძემ კომპანია GWP-სთან დაკავშირებით საუბრისას განაცხადა.

მისი თქმით, ხელისუფლების და მერიის აზრით, წყლის ქონა არის ისეთი მოვლენა, რომლისთვისაც ჩვენ ყოველდღიურად მადლობელნი უნდა ვიყოთ.

ანა დოლიძის განცხადებით, საქართველოში 24-საათიანი წყალმომარაგება მხოლოდ რამდენიმე ქალაქში არის, სხვა ქალაქებში კი ეს ფუფუნებაა. ამ ქალაქებში მცხოვრები ადამიანები კი იმ ჭებით სარგებლობენ, რომელიც საქართველოს პირველ საუკუნეშივე ჰქონდა.

„GWP არის მონოპოლისტი კომპანია. ეს არის ერთადერთი კომპანია, რომელიც წყლის მომსახურებას გვაწვდის. ჩვენ მონოპოლისტების ზედამხედველობაში მეტი ზედამხედველობა და ჩარევა გვჭირდება. ამისთვის არის საჭირო სახელმწიფო, მერია, საკრებულო და ენერგეტიკის მარეგულირებელი კომპანია. იმის ნაცვლად, რომ ამ სტრუქტურებმა მონოპოლისტ კომპანიებს პასუხი მოსთხოვონ, თბილისის მერი კახა კალაძე გამოვიდა და თქვა, რომ GWP კერძო კომპანიაა და ეს ქსელები მის საკუთრებაშია. ეს არის სამარცხვინო განცხადება, რადგან ის არის ქალაქის თავი და ამ ქალაქის მოსახლეობის წინაშე ანგარიშვალდებული პირი. მას უნდა დაეცვა GWP-ის აბონენტების ინტერესები, რომელთა რიცხვიც 500 000-ს შეადგენს, ამის მაგიერ კი გამოვიდა, GWP-ის საქციელი გაამართლა და ახსნა. ეს არასწორია,“- აცხადებს ანა დოლიძე.

„ხალხისთვის“ ლიდერის თქმით, ჩვენ პირველ რიგში უნდა მივეჩვიოთ, რომ 21-ე საუკუნეში წყლის ქონა არ არის საოცრება და ტექნოლოგიური გარღვევა. ეს არის ჩვენი საკუთარი უფლება.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა