ირაკლი კობახიძე - ფაქტი არ გაქვთ რუსულ კავშირებზე და ივანიშვილის თითქოსდა არაფორმალურ მმართველობაზე, ცარიელი ტყუილია რასაც ავრცელებთ და ეს ტყუილი მოხვდა ევროპარლამენტის რეზოლუციაშიც

„ქართული ოცნების“ თავმჯდომარის ირაკლი კობახიძის ინფორმაციით, ამერიკამ რუს ოლიგარქ ვლადიმერ ევტუშენკოვს სანქციები იმიტომ არ დაადო, რომ ის „ბაიდენის ოჯახთან დაახლოებული პირია“. აღნიშნულის შესახებ კობახიძემ ჟურნალისტების მიერ ბიძინა ივანიშვილის რუსულ ინტერესებთან დასმული კითხვის საპასუხოდ განაცხადა.

მისივე განმარტებით, ვლადიმერ ევტუშენკოვი, ამერიკის პრეზიდენტი ჯო ბაიდენის შვილის ბიზნესპარტნიორია.

„ევტუშენკოვი არის ბაიდენთან დაახლოებული რუსი ბიზნესმენი, რომელიც არის ბაიდენის შვილის ბიზნესპარტნიორი, ზუსტად ამის გამო გაათავისუფლეს ის სანქციებისგან. ავსტრალიისგან არის სანქცირებული და ამერიკამ სანქციები იმიტომ არ დაადო, რომ არის ბაიდენის ოჯახთან დაახლოებული პირი, ჰანტერ ბაიდენის, ანუ ბაიდენის შვილის ბიზნესპარტნიორი.

ფაქტი არ გაქვთ რუსულ კავშირებზე და ივანიშვილის თითქოსდა არაფორმალურ მმართველობაზე, ცარიელი ტყუილია რასაც ავრცელებთ და ეს ტყუილი მოხვდა ევროპარლამენტის რეზოლუციაშიც“, - აღნიშნა ირაკლი კობახიძემ.

ცნობისთვის, სოციალურ ქსელში "კიბერ კმარას" მტკიცებით, "ქართული ოცნების" დამფუძნებლის, ბიძინა ივანიშვილისა და რუსი ოლიგარქის, Sistemas-ს დამფუძნებლის, ვლადიმერ ევტუშენკოვის აუდიოჩანაწერი ვრცელდება. სატელეფონო საუბრის მიხედვით, რომელიც მიმდინარე წლის 10 და 12 მარტით თარიღდება, ისინი თბილისში რუსი ბიზნესმენების შეხვედრაზე საუბრობენ. ჩანაწერში ნახსენებია პრემიერ-მინისტრ ირაკლი ღარიბაშვილის სახელი, რომელზეც სავარაუდოდ, ივანიშვილი ევტუშენკოვს ეუბნება, რომ მის მიერ გამოგზავნილ წარმომადგენელს სწორედ ირაკლი ღარიბაშვილს შეხვდა. აღნიშნულის საპასუხოდ, სავარაუდოდ ევტუშენკოვი, ივანიშვილს სთხოვს, რომ მის წარმომადგენელს თავად ის შეხვდეს.

ხათუნა ბურკაძე - ნატო რუსეთის აგრესიის პირისპირ მყოფი პარტნიორების მხარდაჭერას ზრდის, რაც საქართველოს თავდაცვისუნარიანობის გაძლიერებისათვის ახალ შესაძლებლობებს ქმნის
გიორგი კაჭარავა - ევროკავშირის გრძელვადიანი სტრატეგიული ინტერესების გათვალისწინებით, ამ ეტაპზე საქართველოსთვის კანდიდატის სტატუსის მინიჭებაზე უარის თქმა ევროპული სტრუქტურების შეცდომა იყო
ქართული პრესის მიმოხილვა 04.07.2022
ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
სოსო ტყემალაძე - აბასთუმნის კურორტის განვითარებისთვის, რომლის ინიციატივა ბიძინა ივანიშვილს ეკუთვნის, 1.3 მილიარდი ლარი დაიხარჯება
ბილბორდი - საქართველო - BILLBOARD GEORGIA - საქართველოში მუსიკალურ ჩარტებსა და სიახლეებს შემოიტანს