ნინო ლომჯარიას შეფასებით, ევროპარლამენტის რეზოლუციაზე ირაკლი კობახიძის არგუმენტი, რომ ყველანი „ფეიკ“ ნიუსების მსხვერპლი არიან, სუსტია

სახალხო დამცველის ნინო ლომჯარიას შეფასებით, ევროპარლამენტის რეზოლუციის შესახებ „ქართული ოცნების“ თავმჯდომარის ირაკლი კობახიძის არგუმენტი, რომ ყველანი „ფეიკ“ ნიუსების მსხვერპლი არიან, სუსტია.

როგორც მან ჟურნალისტებს განუცხადა, იმ საკითხებზე, რაზეც ევროპარლამენტარები გუშინ საუბრობდნენ, საერთაშორისო ორგანიზაციების დასკვნები არსებობს და მათი განცხადებები ჭორებზე დაფუძნებული არ არის.

“გუშინ ყველა გამომსვლელი, ევროპის პარლამენტის წევრი ძალიან კრიტიკული იყო შექმნილი ვითარების მიმართ. ალბათ, სუსტია ის არგუმენტი, რომ ყველანი „ფეიკ“ ნიუსების მსხვერპლი არიან, მითუმეტეს, ამ საკითხებზე, რაზეც გუშინ პარლამენტარები საუბრობდნენ, საერთაშორისო ორგანიზაციების დასკვნები არსებობს. ისინი ვიღაცის მოყოლის საფუძველზე არ საუბრობდნენ, საერთაშორისო ორგანიზაციების, ეუთო-ს მომხსენებლის, საერთაშორისო უფლებამცველი ორგანიზაციების და საკუთარი მიგნებების, დასკვნების საფუძველზე საუბრობდნენ. ამიტომ, ეს რა თქმა უნდა, ჭორებზე დაფუძნებული არ იყო“,-განაცხადა ლომჯარიამ.

ცნობისთვის, „ქართული ოცნების“ თავმჯდომარის ირაკლი კობახიძის განცხადებით, ევროპარლამენტი "ფეიკის მსხვერპლი" გახდა.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქართული პრესის მიმოხილვა 27.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
„სილქ როუდ ჯგუფი“ ბიზნესმენ ლევან კაჭარავას გარდაცვალებას ეხმაურება
პირველი კრიპტო POS-ტერმინალი საქართველოშია