ხატია დეკანოიძე თავდაცვის მინისტრს - რატომ არ შეიძლება ჩაფხუტების და ჯავშან-ჟილეტების გადაცემა უკრაინისთვის? - ომი კი არ გვინდა, გვინდა, უსაფრთხოების ქოლგის ნაწილი ვიყოთ

ვისურვებდი, თავდაცვის მინისტრისგან მომესმინა, რას აკეთებთ ნატოსთან მიმართებით, რითი მიდიხართ მადრიდის სამიტზე, არის თუ არა საბოლოოდ დამტკიცებული საქართველოს მიპატიჟება მადრიდის სამიტზე, არის თუ არა კონკრეტულად შესრულებული ეროვნული გეგმა, - ასე მიმართა ფრაქცია „ერთიანი ნაციონალური მოძრაობა" - გაერთიანებული ოპოზიცია „ძალა ერთობაშია" თავმჯდომარემ, ხატია დეკანოიძემ თავდაცვის მინისტრს ჯუანშერ ბურჭულაძეს, რომელსაც პარლამენტის პლენარულ სხდომაზე დეპუტატებმა მინისტრის საათის ფორმატში მოუსმინეს.

მისი თქმით, ყოველწლიურ ეროვნულ გეგმაში არის რამდენიმე მნიშვნელოვანი მოცემულობა: პოლიტიკური, სამხედრო ანუ თავდაცვითი, მენეჯმენტი და საბაზისო.

„პოლიტიკურ და ეკონომიკურ ნაწილში ნატოს მთავარი ფორმულა არის დემოკრატიული რეფორმები, კანონის უზენაესობა, ეს არის არა მხოლოდ ძალაუფლებაში მყოფი სამინისტროები, არამედ სამართლიანობა და ყველაზე მნიშვნელოვანი - სასამართლო დამოუკიდებლობა", - განაცხადა ხატია დეკანოიძემ.

მისი თქმით, უკრაინაზე რუსეთის მხრიდან განხორციელებული აგრესიის პირობებში, თავდაცვის სამინისტროსგან, რომელიც მთავარი ფუნქცია არის პოლიტიკის განსაზღვრა, არ არის წარმოდგენილი ანალიზი, რა შეიძლება მოხდეს საქართველოს შემთხვევაში.

დეპუტატმა უკრაინის მიმართ სოლიდარობის გამოხატვის საკითხზეც გაამახვილა ყურადღება.

„თქვენ იცით ალბათ, რომ განაღმვა დასჭირდება უკრაინის ტერიტორიას დაახლოებით 6-დან 7 წლამდე. რატომ არ შეიძლება, რომ ამ პროგრამაში ჩაერთოს თავდაცვის სამინისტრო და შესთავაზოს დახმარება? სამწუხაროდ, არავითარი დახმარება ამ კუთხით საქართველოსგან არ ყოფილა. რატომ არ შეიძლება ჩაფხუტების და ჯავშან-ჟილეტების გადაცემა? ომი კი არ გვინდა, ჩვენ გვინდა, უსაფრთხოების ქოლგის ნაწილი ვიყოთ. გვინდა, რომ დიდი ბრიტანეთის, ბალტიისპირეთის, პოლონეთის და ასეთი ქვეყნების ქოლგის ქვეშ ვიყოთ და ნატოს ქოლგის ქვეშ ვიყოთ", - მიმართა ხატია დეკანოიძემ თავდაცვის მინისტრს.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქართული პრესის მიმოხილვა 27.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
„სილქ როუდ ჯგუფი“ ბიზნესმენ ლევან კაჭარავას გარდაცვალებას ეხმაურება
პირველი კრიპტო POS-ტერმინალი საქართველოშია