ოთარ შამუგია - რამდენიმე მიმართულებით ვმუშაობთ და ისეთ გადაწყვეტილებაზე უნდა შევჯერდეთ, რომელიც მოსახლეობისთვის პურის გაძვირებას არ გამოიწვევს

ჩვენ რამდენიმე მიმართულებით ვმუშაობთ და ისეთ გადაწყვეტილებაზე უნდა შევჯერდეთ, რომელიც პირველ რიგში, არ გამოიწვევს პურის გაძვირებას ჩვენი მოქალაქეებისთვის - სხვადასხვა გზებზე ვმუშაობთ, ჩვენ რომ კონკრეტული გადაწყვეტა გვქონდეს, მაშინ ამას ვიტყოდით და შესაბამის ღონისძიებასაც გავატარებდით, - ამის შესახებ გარემოს დაცვისა და სოფლის მეურნეობის მინისტრმა, ოთარ შამუგიამ ჟურნალისტებთან საუბრისას განაცხადა.

მისივე თქმით, ქვეყანაში ხორბლის შემოტანა და წისქვილკომბინატების მუშაობა პრიორიტეტია, ვინაიდან ეს სასურსათო უსაფრთხოებისთვის ძალიან მნიშვნელოვანია.

"ჩვენთვის უმნიშვნელოვანესია, რომ წისქვილკომბინატებმა იმუშაოს, თუმცა არსებული მდგომარეობა რაც არის შექმნილი, რა თქმა უნდა, არის რთული და ეს ჩვენი მიზეზით არ არის გამოწვეული. გამოწვეულია იმ გადასახადებით, რომელიც დაწესებულია იმპორტზე, საიდანაც ჩვენ შემოგვაქვს, ამიტომ ჩვენ აქტიურად ვმუშაობთ იმაზე, რომ ისეთი გზები შევიმუშაოთ, ამ საკითხის ისეთი გადაწყვეტა მოვძებნოთ, რომელიც პირველ რიგში, არ გამოიწვევს პურის გაძვირებას ჩვენი მოსახლეობისთვის. სწორედ ამაზე მიდის ამ ხნის განმავლობაში მსჯელობა," - განაცხადა ოთარ შამუგიამ.

მინისტრის თქმით, მოსალოდნელია, რომ მიმდინარე წელს საქართველოში ხორბლის კარგი მოსავალი იქნება.

"ჩვენ კახეთის რეგიონში ვიყავით. ველოდებით, რომ კარგი მოსავალი გვექნება. შარშან როგორც იცით, კარგი მოსავალი გვქონდა. წინა წელთან შედარებით ხორბლის მოსავლიანობა დაახლოებით 33%-ით გაიზარდა. წელსაც ვფიქრობთ, რომ კარგი მოსავალი გვექნება და მთლიანობაში ყველა მიმართულებით მზად ვართ. ამღები ტექნიკა მზად არის, რომ ამ პროცესს შეუდგეს. ჩვენთვის პრიორიტეტია, რომ თვითუზრუნველყოფის მაჩვენებელი გავზარდოთ და ხორბლის მწარმოებლებს ხელი შევუწყოთ. აქაც, მალე კონკრეტული წინადადებები, კონკრეტული პროექტი გვექნება, რომელიც ვფიქრობ, რომ მომავალ წლებში ჩვენს ქვეყანაში ხორბლის წარმოების პროცესს მნიშვნელოვნად შეუწყობს ხელს," - განაცხადა ოთარ შამუგიამ.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა