ქართულ - უკრაინული პროექტის „ბავშვებს უნდათ მშვიდობა“ ფარგლებში, უკრაინელი პატარები საქართველოში 14 დღეს გაატარებენ

ქართულ - უკრაინული პროექტის „ბავშვებს უნდათ მშვიდობა“ ფარგლებში, უკრაინელი პატარები საქართველოში შთაბეჭდილებებით სავსე 14 დღეს გაატარებენ. ამის შესახებ ინფორმაციას პარტია „ლელო“ ავრცელებს.

მათივე ინფორმაციით, პროექტის მონაწილეები სწორედ იმ ქალაქებიდან შეირჩა, სადაც რუსული აგრესიის შედეგები განსაკუთრებით შემაშფოთებელია.

„პროექტი „ბავშვებს უნდათ მშვიდობა“ ქართული ფონდის “ალილო” 2015”, უკრაინულ ფონდის „ჩემი უკრაინა“, მამუკა ხაზარაძის და სხვა ბიზნესმენების მხარდაჭერით ხორციელდება.

პროექტის მთავარი ამოცანა უკრაინაში საომარი მოქმედებების ზონაში მცხოვრები მებრძოლების შვილების საქართველოში ჩამოყვანაა. პროექტის ფარგლებში, ბავშვები სტუმრობენ აჭარის ისტორიულ, კულტურულ ძეგლებს, ასევე მათთვის იმართება შემეცნებითი და გასართობი ღონისძიებები.

25 მოზარდი ჩამოვიდა უშუალოდ საომარი მოქმედებების ზონებიდან. პროექტის მიზანია, სახალხო დიპლომატიის განვითარების ხელშეწყობა, ქართველი და უკრაინელი მებრძოლებისა და ვეტერანების შვილების დამეგობრება და საომარი მოქმედებების ზონაში მცხოვრები უკრაინელი ბავშვების ფსიქორეაბილიტაცია.

21-ე საუკუნეში, როცა ცივილიზებულმა სამყარომ განვითარების პიკს მიაღწია, ეს ორი ქვეყანა (საქართველო-უკრაინა) დღემდე განიცდის რუსულ ოკუპაციას და აღნიშნულმა აგრესიამ 24 თებერვლის შემდეგ გაუგონარი ხასიათის მასშტაბები მიიღო (ვგულისხმობთ, რუსეთის უკრაინაში შეჭრას და სისასტიკეს, საქართველოში ე.წ „ბორდერიზაციას“, მშვიდობიანი მოქალაქეების ყოველდღიურ გატაცებას, საოკუპაციო ზოლში მცხოვრებლებთან კომუნიკაციის შეზღუდვა.)

მსგავსი აქტივობა კიდევ უფრო მეტ ადამიანს აჩვენებს აღნიშნული აგრესიის შედეგებს და იმას, რომ ამ კატეგორიის ბავშვები გაცილებით მეტ ყურადღებას საჭიროებენ, როგორც სახელმწიფოს, ასევე დანარჩენი საზოგადოების მხრიდან”, - ნათქვამია ინფორმაციაში.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა