აშშ-ის სახელმწიფო მდივნის თანაშემწის მოადგილე - საქართველოს დემოკრატიული ტრაექტორიის შესახებ ვაშინგტონიდან ღრმა შეშფოთების შემცველი გზავნილი ჩამოვიტანე

საქართველოს დემოკრატიული ტრაექტორიის შესახებ ვაშინგტონიდან ღრმა შეშფოთების შემცველი გზავნილი ჩამოვიტანე, - ამის შესახებ დემოკრატიის, ადამიანის უფლებებისა და შრომის საკითხებში შეერთებული შტატების სახელმწიფო მდივნის თანაშემწის მოადგილემ კარა მაკდონალდმა განაცხადა.

„ჩემი ვიზიტი უპრეცედენტო გლობალურ გამოწვევას ემთხვევა, რაც გახლავთ პუტინის მიერ უკრაინაში არაპროვოცირებული და გაუმართლებელი ხელახალი შეჭრა. ეს ისაა, რაც საქართველოს გამოცდილი აქვს. მაგრამ, ამავდროულად, ესაა უნიკალური შესაძლებლობის დრო საქართველოსთვის. ჩემი გზანილი არის, რომ არ გაუშვათ ხელიდან ეს შანსი, გაერთიანდით იმისათვის, რომ მიაღწიოთ იმას, რაც ქართველ ხალხს სურს“,- აღნიშნა ამერიკელმა მაღალჩინოსანმა.

ამასთან, სახელმწიფო მდივნის თანაშემწის მოადგილემ დასძინა, რომ აშშ საქართველოს ერთგული რჩება.

„ჩემი გზავნილი ამერიკიდან გახლავთ ჩვენი ღრმა ერთგულება საქართველოს დემოკრატიული მომავლისა და მისწრაფებებისადმი. ეს ევრო-ატლანტიკური მისწრაფებები წარმოადგენენ სტაბილურობას, მშვიდობას, კეთილდღეობას. გზა ამ მისწრაფებისადმი არის მკაფიო - ის საკმაოდ კომპლექსურია და მოითხოვს ძალიან დიდ შრომას“, - აღნიშნა სახელმწიფო მდივნის თანაშემწის მოადგილემ.

როგორც მან განაცხადა, ბევრი რამ არის მიღწეული ამ მიმართულებით, რისი ნაწილიც შეერთებული შტატებიც იყო, თუმცა, დასძინა, რომ ამ კუთხით კვლავ ბევრია გასაკეთებელი.

„აქ ყოფნისას შევხვდი საქართველოს პარლამენტის თავმჯდომარეს, იურიდიული საკითხებისა და ადამიანის უფლებათა კომიტეტის თავმჯდომარეებს, ასევე, სამოქალაქო საზოგადოების, მედიის, ოპოზიციის წარმომადგენლებს, აქტივისტებს, რათა სრული სურათი დამენახა ქვეყანაში არსებული გამოწვევების შესახებ და იმ სამომავლო საქმიანობის შესახებ, რომელიც უნდა განხორციელდეს“, - განაცხადა მან.

ამერიკელმა მაღალჩინოსანმა აღნიშნა, რომ მას ფართო და ნაყოფიერი საუბრები ჰქონდა, რა დროსაც დემოკრატიული განვითარების საკითხები, საარჩევნო და მართლმსაჯულების რეფორმები განიხილეს, ისევე როგორც, ის თუ როგორ შეუძლია ოფიციალურ ვაშინგტონს მხარი დაუჭიროს საქართველოს ევროკავშირსა და ნატოში ინტეგრაციას.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა