„სტრატეგია აღმაშენებელმა“ საქართველოს მასშტაბით 100-საათიანი ტური „ერთად ევროპისკენ“ დაიწყო

„სტრატეგია აღმაშენებელმა“ საქართველოს მასშტაბით 100-საათიანი ტური „ერთად ევროპისკენ“ დაიწყო. ტურნემ სტარტი თბილისში, „ვარდების რევოლუციის“ მოედნიდან აიღო და ერთი კვირის განმავლობაში ქვეყნის ყველა რეგიონს მოივლის.

პარტიის თავმჯდომარის, გიორგი ვაშაძის განცხადებით, მმართველი გუნდის წარმომადგენლებს: ირაკლი ღარიბაშვილს, ირაკლი კობახიძეს და დიმიტრი ხუნდაძეს ევროკავშირის წევრობის კანდიდატის სტატუსი ნამდვილად არ ეკუთვნის, მაგრამ ქართველ ხალხს ეკუთვნის და ოპოზიცია ყველაფერს გააკეთებს იმისთვის, რომ ქვეყანამ ეს ისტორიული შანსი არ დაკარგოს.

„შევხვდებით ხალხს. კიდევ ერთხელ ვიტყვით, რამდენად მნიშვნელოვანია ევროკავშირის კანდიდატის სტატუსის მიღება. ეს პროცესი მნიშვნელოვანია, როგორც საქართველოსთვის, რომ ქართველ ხალხს ავუხსნათ, ასევე იმისთვის, რომ ჩვენმა ევროპელმა კოლეგებმა ნახონ, რამხელა მხარდაჭერა აქვს ამ ყველაფერს საქართველოში. ჩვენ რაც შეიძლება მალე უნდა მოვიყვანოთ საქართველოში ევროპა. საქართველოსთვის ევროპა გვჭირდება და საქართველომ ევროპულ ოჯახში საკუთარი ღირსეული ადგილი უნდა დაიბრუნოს.

ქართველ ხალხს კანდიდატის სტატუსი ნამდვილად ეკუთვნის, „ქართული ოცნების“ დამსახურებაზე რა მოგახსენოთ?! როცა ევროპელებს ლანძღავ, შენს მოკავშირეებს, სტრატეგიულ პარტნიორებს ადანაშაულებ, რომ ვითომ შენი ომში ჩათრევა უნდა, როდესაც იმ დემოკრატიულ რეფორმებს არ აკეთებ, რაც არის ევროპული სტანდარტი, ღარიბაშვილს, კობახიძეს და ხუნდაძეს ევროკავშირის სტატუსი ნამდვილად არ ეკუთვნის, მაგრამ ქართველ ხალხს ეკუთვნის. ამიტომაც არ დავიზარებთ, ყოველ წუთს, ყოველ წამს დავუთმობთ ამას. ახლა საქართველოში, მერე ევროპაში გვაქვს კიდევ ტურნე, ამიტომ ჩვენ ყველაფერს გავაკეთებთ იმისთვის, რომ ეს ისტორიული შანსი არ დავკარგოთ,“ - განაცხადა გიორგი ვაშაძემ.

ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
ქართული პრესის მიმოხილვა 27.06.2022
სოფიო გრაკალიშვილი - მომხმარებელს ვურჩევდი დეტალურად შეადაროს რამდენიმე სადაზღვევო კომპანიის პირობები და მხოლოდ ამის შემდეგ მიიღოს გადაწყვეტილება
"არქი" ოქროს ბრენდის გამარჯვებული გახდა
ისტორიული დღე ვატიკანში - პირველად, სიქსტის კაპელაში, ქართული გალობა გაისმა
კახა ოქრიაშვილი - ივანიშვილის ღარიბაშვილი ქართველი ხალხის 90%-ს დესტრუქციულ ძალას უწოდებს!
საერთაშორისო ფორვარდინგული კომპანია "ტეპკო" განცხადებას ავრცელებს
„მაგნიტის“ მეხუთე გათამაშებაში მოგებული 100 000 ლარი - რა გეგმები აქვს გამარჯვებულ ოჯახს
Bitnet – კრიპტო სტარტაპი, რომელმაც საერთაშორისო დაფინანსება მოიპოვა
დომუსის ახალი, მზიანი და ნათელი საცხოვრებელი კომპლექსი გაზაფხულის ქუჩაზე
„სილქ როუდ ჯგუფი“ ბიზნესმენ ლევან კაჭარავას გარდაცვალებას ეხმაურება
პირველი კრიპტო POS-ტერმინალი საქართველოშია