გია ცაგარეიშვილი - სალომე ზურაბიშვილი ივანიშვილს აიგივებს სააკაშვილთან, გვარამიასთან და "ნაცმოძრაობის" სხვა სუბიექტებთან, კრიმინალებთან და დამნაშავე ადამიანებთან, ეს მიუღებელი, გაუგებარი და გულდასაწყვეტია

სალომე ზურაბიშვილი ივანიშვილს აიგივებს სააკაშვილთან, გვარამიასთან და "ნაცმოძრაობის" სხვა სუბიექტებთან, კრიმინალებთან და დამნაშავე ადამიანებთან, ეს ჩემთვისაც და უამრავი ადამიანისთვისაც რბილად რომ ვთქვათ, მიუღებელი, გაუგებარი და გულდასაწყვეტია, - ამის შესახებ უმრავლესობის წევრმა გია ცაგარეიშვილმა ჟურნალისტებს განუცხადა.

როგორც გია ცაგარეიშვილმა აღნიშნა, „ქართულმა ოცნებამ“ ყველაფერი გააკეთა იმისთვის, რომ სალომე ზურაბიშვილი თავის დროზე საქართველოს პრეზიდენტი გამხდარიყო და "ეს არის ძალიან მნიშვნელოვანი ფაქტორი, რომელიც არც მას, არც სხვას უნდა დაავიწყდეს".

მისივე თქმით, სალომე ზურაბიშვილს ყოველთვის უნდა ახსოვდეს, ვინ არის ის მილიონი ქართველი, რომელმაც ის მეორე ტურში საქართველოს პრეზიდენტად აირჩია.

ცაგარეიშვილმა გაიხსენა მოვლენები, რომელიც წინ უძღოდა სალომე ზურაბიშვილის გაპრეზიდენტებას. მისი თქმით, სალომე ზურაბიშვილის კანდიდატურაზე ყურადღება რამდენიმე მიზეზის გამო შეჩერდა.

„პირველ რიგში, რომ ის გახლდათ ქალბატონი, ის იყო პროევროპელი თავისი განცდებით და აღქმებით, ჩემთან და ჩემს კოლეგებთან ერთად ებრძოდა "ნაციონალურ მოძრაობას". გადის რამდენიმე წელი და ქალბატონი პრეზიდენტი ივანიშვილს აიგივებს სააკაშვილთან, გვარამიასთან და "ნაცმოძრაობის" სხვა სუბიექტებთან, კრიმინალებთან და დამნაშავე ადამიანებთან, ეს ჩემთვისაც და უამრავი ადამიანისთვისაც რბილად რომ ვთქვათ, მიუღებელი, გაუგებარი და გულდასაწყვეტია. მესმის, მას უნდა დამოუკიდებელი პოლიტიკური როლი ითამაშოს, ასე პოზიციონირებს ყოველ შემთხვევაში, მაგრამ არსებობს ზღვარი, რომელიც წესით მას არ უნდა გადაელახა. მას ყოველთვის უნდა ახსოვდეს, ვინ არის ის მილიონი ქართველი, რომელმაც ის მეორე ტურში საქართველოს პრეზიდენტად აირჩია, ის მილიონი ქართველი არ არის მეგის ქარდავას და სააკაშვილის მოყვარული ქართველი, ის არის ქვეყნის თავისუფლების მოყვარული ქართველი, პატიოსნების, გულწრფელობის, ადამიანობის და წესიერების. ამას ეფუძნება ჩვენი ამომრჩეველი, როცა კონკრეტულ არჩევანს აკეთებს. ამ შემთხვევაშიც სწორედ ამას დაეფუძნა ქართველი ამომრჩეველი, როცა ხმა მისცა სალომე ზურაბიშვილს. თუ ამ ყველაფერს ივიწყებს და ამბობს, რომ თურმე არა, ბოდიშით და გზა შემეშალა, კვალი ამერია და ჩემი კვალი და გზა მეგისისკენ და სააკაშვილი-გვარამიასკენ არის, მაშინ ესეც მისი არჩევანია და შესაბამისად იქნება არგუმენტებიც წარმოდგენილი და პასუხი გაცემული“, - განაცხადა გია ცაგარეიშვილმა.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა