თაკო ჩარკვიანი - ჯერჯერობით არ არსებობს ერთი დაწყებული საქმე, რაც პრეზიდენტმა განახორციელა - ზურაბიშვილს თითი დაუქნიეს, რაღაცები შეახსენეს და გააჩუმეს

ჯერჯერობით არ არსებობს ერთი დაწყებული საქმე, რაც პრეზიდენტმა განახორციელა. დავინახე, რომ ზურაბიშვილს თითი დაუქნიეს, რაღაცები შეახსენეს და გააჩუმეს, არ მიყვარს ასეთი არათანმიმდევრულობა, - ამის შესახებ პარტიის „კანონი და სამართალი“ თავმჯდომარემ, თაკო ჩარკვიანმა "პალიტრანიუსის“ გადაცემა „360 გრადუსში“ განაცხადა.

ოპოზიციონერი პოლიტიკოსის შეფასებით, „ქართულ ოცნებაში“ სავარაუდოდ, განხეთქილებაა, რადგან დღეს დაინახეს, რომ საქართველოს ხელისუფლება ნამდვილად რუსეთისკენ მიდიოდა.

„მიუხედავად იმისა, რომ არ მაქვს დიდი ნდობა ამ ქალბატონისადმი [სალომე ზურაბიშვილისადმი], ყოველ ჯერზე რამდენი რაღაც თქვა, მაინც წავედი იქით, რომ იქნებ რაიმე გააკეთოს. ჯერჯერობით არ არსებობს ერთი მისი დაწყებული საქმე, რაც მან განახორციელა. დავინახე, რომ ზურაბიშვილს თითი დაუქნიეს, რაღაცები შეახსენეს და გააჩუმეს. არ მიყვარს ასეთი არათანმიმდევრულობა, ვერ ვიტან”,- განაცხადა მან.

ოპოზიციონერმა პოლიტიკოსმა ასევე ისაუბრა 20 ივნისს დაანონსებულ აქციასთან დაკავშირებით და განაცხადა, რომ ეს აქცია იქნება რუსთაველის გამზირზე ქვეყნის დასაცავად გასვლა.

„ეს არის ერთი მხრივ, ზეწოლა, მეორე - ჩვენი ქვეყნის სახელმწიფოებრიობასა და დამოუკიდებლობას საფრთხე რომ ემუქრება, იმის დასაცავად დავდგეთ რუსთაველზე და დასავლეთს ვანახოთ, რომ იმ რეზოლუციაში შემთხვევით არ არის გამიჯნული ხალხი და ცუღლუტი, რუსეთზე მომუშავე ხელისუფლება“, - აღნიშნა თაკო ჩარკვიანმა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს