ვანო მაჭავარიანი - სალომე ზურაბიშვილმა ვერ შეძლო მოქალაქეების გაერთიანება, 16-ში მოუწოდებს საზოგადოების იმ ნაწილს, რომელსაც მისი ესმის ან უსმენს, რომ მივიდეს და მხარდაჭერა გამოუცხადოს

სალომე ზურაბიშვილის მოწოდებას 16-ში მივიდნენ აქციაზე და 20 ივნისის აქცია გარკვეულწილად დააიგნორონ, არის მორიგი შეცდომა, რომელსაც ჩვენი პოლიტიკური ლიდერებისგან ვხედავთ, - ამის შესახებ ექსპერტმა ვანო მაჭავარიანმა „ინტერპრესნიუსთან“ საუბრისას განაცხადა.

როგორც მან აღნიშნა, სალომე ზურაბიშვილმა პრეზიდენტობისას ვერ შეძლო პოლიტიკური წრეებისა და მოქალაქეების გაერთიანება.

„პრობლემა ის არის, რომ სალომე ზურაბიშვილმა წლების განმავლობაში ყველაფერი გააკეთა, რომ მისი, როგორც პოლიტიკური ლიდერის ფასს არც პოლიტიკურ წრეებში და არც პოლიტიკურ საზოგადოებაში განსაკუთრებული წონა არ აქვს. შესაბამისად, მის მოწოდებას 16-ში მივიდნენ აქციაზე და 20 ივნისის აქცია გარკვეულწილად დააიგნორონ, არის მორიგი შეცდომა, რომელსაც ჩვენი პოლიტიკური ლიდერებისგან ვხედავთ.

საერთო ჯამში, იქნება ეს 16-ში თუ 20-ში, ვერავინ ვერავის აუკრძალავს პოლიტიკური გემოვნების მიხედვით ამა თუ იმ აქციაზე მისვლას - მათ აქვთ ნება, რომ მივიდნენ 16-ში და ასევე მივიდნენ 20-ში, მაგრამ, სამწუხაროდ, ამ შემთხვევაში ისინი აღმოჩნდებიან იმ სიტუაციაში, რომ რეალურად ამ პროცესებს არ ჰყავთ რეალური პოლიტიკური ლიდერები.

ევროპისგან მთავარი მოწოდება და გზავნილი, რომელიც სალომე ზურაბიშვილმა „ჩამოიტანა“ ბრიუსელიდან თუ ევროპის სხვა დედაქალაქებიდან, არის ქვეყნის ერთიანობა. შესაბამისად, ეს აქცია, რომელიც გაიმართებოდა საქართველოს ევროპაში ინტეგრაციის მხარდასაჭერად რომ ყოფილიყო გაერთიანებული, ეს იქნებოდა ძალიან მძლავრი სიგნალი როგორც პოლიტიკური წრეებისთვის საქართველოში, ასევე ევროპის ლიდერებისთვის. რეალობა კი ისაა, რომ საზოგადოება არის გახლეჩილი. „ქართულმა ოცნებამ“ მოახერხა და დაყო საზოგადოება „სხვისიანებად“ და „ჩემიანებად“. გვაქვს ის საზოგადოება, რომელიც გაყოფილია - როგორც პოლიტიკური წრეები, ისე მათი მხარდამჭერები. სალომე ზურაბიშვილმა მისი პრეზიდენტობის პოსტზე ვერ შეძლო როგორც პოლიტიკური წრეების, ისე საზოგადოებისა და მოქალაქეების გაერთიანება, შესაბამისად, ეს არის სწორედ ის, რომ 16-ში ცალკე მოუწოდებს საზოგადოების იმ ნაწილს, რომელსაც მისი ესმის ან უსმენს, რომ მივიდეს და მხარდაჭერა გამოუცხადოს“, - განაცხადა ვანო მაჭავარიანმა.

ხათუნა ბურკაძე - ნატო რუსეთის აგრესიის პირისპირ მყოფი პარტნიორების მხარდაჭერას ზრდის, რაც საქართველოს თავდაცვისუნარიანობის გაძლიერებისათვის ახალ შესაძლებლობებს ქმნის
გიორგი კაჭარავა - ევროკავშირის გრძელვადიანი სტრატეგიული ინტერესების გათვალისწინებით, ამ ეტაპზე საქართველოსთვის კანდიდატის სტატუსის მინიჭებაზე უარის თქმა ევროპული სტრუქტურების შეცდომა იყო
ქართული პრესის მიმოხილვა 30.06.2022
ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
კახა ოქრიაშვილი - "ღალატის პარტიას" არ სურს, საქართველო გახდეს ევროკავშირის წევრი ქვეყანა
დავით ზილფიმიანი მიმართვას ავრცელებს
PSP წლის ორი უმნიშვნელოვანესი ბიზნესდაჯილდოების - „ოქროს ბრენდი 2021“ და „ეროვნული ბიზნეს რეიტინგი XXII“-ის გამარჯვებულია
„წისქვილი მცხეთაში“ – „წისქვილი ჯგუფის“ სარესტორნო ქსელს დღეიდან კიდევ ერთი გამორჩეული რესტორანი ემატება
„იმპექსში“ ყოველკვირეული, უპრეცედენტო შეთავაზებები იწყება
ახალი ლიბერთი ახალი ცხოვრებისათვის - ლიბერთის და “ტელეკლინიკა - MyDoc“-ის ჯანმრთელობის ხელმისაწვდომობის პროგრამა
„აპარტ დეველოპმენტმა“ ახალი გაყიდვების ოფისი გახსნა
თბილისში დავით ტატიშვილის სამედიცინო ცენტრის კიდევ ერთი ფილიალი გაიხსნა
„ვენდისსა“ და „დანკინში“ „დორას“ „მამალოები“ უკვე წარმატებით იყიდება