ირაკლი კობახიძე - აქ მაქვს ყველა ციტატა, რომელიც უკავშირდება ომის პროპაგანდას რადიკალური ოპოზიციის, არასამთავრობოების და ტელევიზიების მხრიდან - ეს არის დაახლოებით, 10 გვერდზე გაწერილი განცხადებები

აქ მაქვს ყველა ის ციტატა, რომელიც უკავშირდება ომის პროპაგანდას რადიკალური ოპოზიციის, არასამთავრობო ორგანიზაციების და ტელევიზიების მხრიდან. ეს არის დაახლოებით 10 გვერდზე გაწერილი განცხადებები, - ამის შესახებ „ქართული ოცნების“ თავმჯდომარემ, ირაკლი კობახიძემ პარტიის ოფისში გამართულ პრესკონფერენციაზე განაცხადა.

მისი თქმით, ერთ-ერთი ციტატა ეკუთვნის „საერთაშორისო გამჭვირვალობა - საქართველოს“ ხელმძღვანელს, ეკა გიგაურს.

„ერთ-ერთი არის ეკა გიგაურის განცხადება, რომელსაც წაგიკითხავთ და თავად შეგიძლიათ განსაჯოთ რას ამბობდა ის მაშინ და როგორ იხევს ახლა ის უკან: „რუსეთი ომს აგებს უკრაინაში. იქ არ ყოფნის რესურსი, ამიტომ ვერ დაიწყებს ყველა მიმართულებით საომარ მოქმედებებს. ყველაფერი უნდა გავაკეთოთ, რათა ეს შესაძლებლობების ფანჯარა გამოვიყენოთ“. ძალიან მარტივად, ეს არის ციტატა და ახლა ამბობს, რომ სხვა რამეს გულისხმობდა. საზოგადოებას ახსოვს ყველაფერი და არ ავიწყდება არაფერი, მითუმეტეს, რომ ვერც „ფეისბუქიდან“ და ვერც მედიასაშუალებებიდან ამ ყველაფერს ვერ წაშლი. რასაც ის ამბობდა მაშინ, ახლა იმას უარყოფს. საზოგადოება ხედავს, რა იყო მისი განცხადებების შინაარსი. პირდაპირი აზრის მომწიფების მცდელობა იყო ის, რასაც ამბობდნენ გიგაური, უსუფაშვილი, მარგველაშვილი, ჭიაბერაშვილმაც ეს ყველაფერი გააგრძელა. მედიასაშუალებები პირდაპირ ხსნიდნენ იმას, თუ როგორ შეუძლია საქართველოს ცხინვალის და სოხუმის აღება. ეს იყო აზრის მომწიფების მცდელობა, რომელიც ჩაუვარდათ და ახლა გასაგებია, რომ გიგაური უკან იხევს, რადგან არ გაუვიდა აზრის მომწიფების მცდელობა, თუმცა საზოგადოებას ახსოვს აბსოლუტურად ყველაფერი“, - განაცხადა ირაკლი კობახიძემ.

შეგახსენებთ, "საერთაშორისო გამჭვირვალობა - საქართველოს" თავმჯდომარე ეკა გიგაურმა განაცხადა, რომ საქართველოს მთავრობამ ომით კი არ უნდა დააშინოს ხალხი, არამედ „გააკეთოს ყველაფერი, რომ ახალი პერსპექტივები გვანახოს და მაქსიმალურად გააერთიანოს საზოგადოება“ და ყველანაირი დისკუსია, რომელიც მიმართულია იმისკენ, რომ არ დავდგეთ დასავლეთის გვერდში, რუსეთის ინტერესია.

"დაშინება არის არასწორი, საფრთხე არ დგას, რადგან რუსეთი ომს აგებს უკრაინაში, არ ჰყოფნის რესურსები და ვერ დაიწყებს ყველა მიმართულებით საომარ მოქმედებებს. ამიტომ, ყველაფერი უნდა გავაკეთოთ იმისთვის, რომ შესაძლებლობების ფანჯარა გამოვიყენოთ და ვანახოთ დასავლეთს, რომ მათ გვერდით ვართ", - განაცხადა ეკა გიგაურმა.

ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
ქართული პრესის მიმოხილვა 27.06.2022
სოფიო გრაკალიშვილი - მომხმარებელს ვურჩევდი დეტალურად შეადაროს რამდენიმე სადაზღვევო კომპანიის პირობები და მხოლოდ ამის შემდეგ მიიღოს გადაწყვეტილება
კახა ოქრიაშვილი - ივანიშვილის ღარიბაშვილი ქართველი ხალხის 90%-ს დესტრუქციულ ძალას უწოდებს!
საერთაშორისო ფორვარდინგული კომპანია "ტეპკო" განცხადებას ავრცელებს
„მაგნიტის“ მეხუთე გათამაშებაში მოგებული 100 000 ლარი - რა გეგმები აქვს გამარჯვებულ ოჯახს
Bitnet – კრიპტო სტარტაპი, რომელმაც საერთაშორისო დაფინანსება მოიპოვა
დომუსის ახალი, მზიანი და ნათელი საცხოვრებელი კომპლექსი გაზაფხულის ქუჩაზე
„სილქ როუდ ჯგუფი“ ბიზნესმენ ლევან კაჭარავას გარდაცვალებას ეხმაურება
პირველი კრიპტო POS-ტერმინალი საქართველოშია