ხატია დეკანოიძე - ერთ-ერთი მძიმე სცენარი იქნება თუ „ასოცირებული ტრიო" დაიშლება

ხელისუფლების ანტიდასავლურმა კამპანიამ შეაფერხა საქართველოს ევროატლანტიკური კურსი - როცა მმართველი პარტიის თავმჯდომარე ღიად უწოდებს ყველაზე დიდ და ძველ პარტიას, "ევროპის სახალხო პარტიას" კრიმინალების პარტიას, ეს არის წარმოუდგენლად მძიმე და ასეთი განცხადება არ გაუკეთებია ვლადიმერ პუტინსაც კი, - ამის შესახებ ფრაქცია "ნაციონალური მოძრაობის" თავმჯდომარე ხატია დეკანოიძემ განაცხადა.

როგორც მან აღნიშნა, თუ ქვეყანა კანდიდატის სტატუსთან დაკავშირებით ნეგატიურ გადაწყვეტილებას მიიღებს, ეს ხელისუფლების პასუხისმგებლობა იქნება.

დეკანოიძე აცხადებს, რომ მძიმე იქნება თუ საქართველო „ასოცირებულ ტრიოს“ გამოეყოფა.

"დიდი იმედი გვაქვს საქართველო მიიღებს კანდიდატის სტატუსს. ყველაზე რეალური ალბათ, არის, რომ საქართველომ უნდა მიიღოს კანდიდატის სტატუსი დათქმებით, როგორც არსებობს წინასწარი ინფორმაცია. თუმცა, იმ შემთხვევაში, თუ ეს იქნება ნეგატიური გადაწყვეტილება და მე ვისმენ პესიმისტურ განცხადებებს ჩვენი პარტნიორების მხრიდან და საქართველოს ხელისუფლების აღვირახსნილ ანტიდასავლურ კამპანიას, ეს იქნება სრულად "ქართული ოცნების", მათ შორის ივანიშვილის დანაშაული და პასუხისმგებლობა, რადგან კონსტიტუციით ყველა ინსტიტუტმა უნდა გააკეთოს ყველაფერი, რომ ევროატლანტიკური მისწრაფებები და ინტეგრაცია არ დაირღვეს. ერთ- ერთი მძიმე სცენარი იქნება ის, თუ „ასოცირებული ტრიო“, დაიშლება, ჩვენ ვიყავით ლოკომოტივი ამ ტრიოში, ერთ- ერთი ყველაზე გამორჩეული ქვეყანა იყო საქართველო და სამწუხაროდ, დღეს ვისმენთ, რომ საქართველო არ არის იმ დონეზე და იმ ხარისხში როგორც არის უკრაინა და მოლდოვა. უკრაინელების თავგანწირვამ დააჩქარა ეს პროცესი, მაგრამ საქართველოს ხელისუფლების წარმოუდგენელმა ანტიდასავლურმა კამპანიამ შეაფერხა საქართველოს ევროატლანტიკური კურსი. მაშინ, როცა მმართველი პარტიის თავმჯდომარე ღიად უწოდებს ყველაზე დიდ და ძველ პარტიას "ევროპის სახალხო პარტიას" კრიმინალების პარტიას, ეს არის წარმოუდგენლად მძიმე და ასეთი განცხადება არ გაუკეთებია ვლადიმერ პუტინსაც კი", - განაცხადა დეკანოიძემ.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა