პრეზიდენტი - თუ მე აქ გამოვედი, ეს იმის მაჩვენებელია, რომ შედეგებთან დაკავშირებით, ბრმა ოპტიმიზმი არ მაქვს

თუ მე აქ გამოვედი, ეს იმის მაჩვენებელია, რომ შედეგებთან დაკავშირებით, ბრმა ოპტიმიზმი არ მაქვს,- ამის შესახებ საქართველოს პრეზიდენტმა სალომე ზურაბიშვილმა ევროის მოედანზე მედიას განუცხადა.

მან ისაუბრა ევროკავშირის წევრობის კანდიდატი ქვეყნის სტატუსის მიღებასთან დაკავშირებულ მოლოდინებზე და განაცხადა, რომ ხვალ ევროპული საბჭო რეკომენდაციებს წარადგენს და "არავინ იცის რა იქნება".

ამასთან, პრეზიდენტის თქმით, დღევანდელი აქციის თარიღი არვისთან შეჯიბრი არ იყო.

"დღევანდელ დღეს არჩეული თარიღი, არავისთან შეჯიბრი არ იყო, ვიცოდი, რომ 17-ში იქნებოდა პირველი რეკომენდაცია. ეს არ არის საბოლოო გადაწყვეტილება, მაგრამ ყველა ფორმის გამოსვლას მივესალმები. დღეს გვაქვს „ლუფტი“, ხვალ არის რეკომენდაცია კომისიის, რომელიც არცერთმა არ ვიცით რა იქნება, ამის შემდეგ 23-24-ში იქნება ევროკავშირის გადაწყვეტილება. თუ მე აქ გამოვედი ეს იმის მაჩვენებელია, რომ შედეგებთან დაკავშირებით ბრმა ოპტიმიზმი არ მაქვს, თუმცა ვთვლი, რომ საქართველოს აქვს უფლება იყოს იქ, სადაც მის მოსახლეობას უნდა. ამისთვის ყველამ ყველაფერი უნდა გავაკეთოთ. პასუხისმგებლობა აკისრია ხელისუფლებას, რომელმაც უნდა გადადგას ნაბიჯები და ხვალინდელი რეკომენდაციები გვაჩვენებს, რა მიმართლებით არის ნაბიჯები გადასადგმელი“, - აღნიშნა სალომე ზურაბიშვილმა.

ხათუნა ბურკაძე - ნატო რუსეთის აგრესიის პირისპირ მყოფი პარტნიორების მხარდაჭერას ზრდის, რაც საქართველოს თავდაცვისუნარიანობის გაძლიერებისათვის ახალ შესაძლებლობებს ქმნის
გიორგი კაჭარავა - ევროკავშირის გრძელვადიანი სტრატეგიული ინტერესების გათვალისწინებით, ამ ეტაპზე საქართველოსთვის კანდიდატის სტატუსის მინიჭებაზე უარის თქმა ევროპული სტრუქტურების შეცდომა იყო
ქართული პრესის მიმოხილვა 04.07.2022
ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
სოსო ტყემალაძე - აბასთუმნის კურორტის განვითარებისთვის, რომლის ინიციატივა ბიძინა ივანიშვილს ეკუთვნის, 1.3 მილიარდი ლარი დაიხარჯება
ბილბორდი - საქართველო - BILLBOARD GEORGIA - საქართველოში მუსიკალურ ჩარტებსა და სიახლეებს შემოიტანს