ნინო ლომჯარია - იმედი მაქვს, მე-10 მოწვევის პარლამენტი არ ჩაეწერება ისტორიაში, როგორც პარლამენტი, რომელმაც არ მოუსმინა სახალხო დამცველს - ვეცდებით, სხვადასხვა მექანიზმის გამოყენებით მივაღწიოთ, რომ მოგვისმინოს

იმედი მაქვს, მე-10 მოწვევის პარლამენტი არ ჩაეწერება ისტორიაში, როგორც პარლამენტი, რომელმაც არ მოუსმინა სახალხო დამცველს, - ასე უპასუხა სახალხო დამცველმა, ნინო ლომჯარიამ „პალიტრანიუსის“ გადაცემა „თავისუფალ სტუდიაში“ კითხვას, ხომ არ არის შესაძლებელი, რომ „ქართული ოცნება“ ნინო ლომჯარიას, როგორც სახალხო დამცველს, ისე დაემშვიდობოს, რომ პარლამენტში უკვე ბოლოჯერ, არ მოუსმინოს.

ომბუდსმენმა აღნიშნა, რომ ამ ეტაპზე არ ელოდება საქართველოს ხელისუფლებისგან მსგავს ნაბიჯს, თუმცა, ამ შემთხვევაში, სახალხო დამცველი ყველა მექანიზმს გამოიყენებს იმისთვის, რომ საკანონმდებლო ორგანომ კიდევ ერთხელ მოისმინოს მისგან წლიური ანგარიში.

„რეგლამენტი პარლამენტს ავალდებულებს, სახალხო დამცველის ადამიანის უფლებების ანგარიშს წელიწადში ერთხელ, საგაზაფხულო სესიაზე მოუსმინოს და საგაზაფხულო სესია მალე იწურება. ჩვენ არ ვართ პარლამენტის დღის წესრიგში, მიუხედავად არაერთგზის მცდელობის, მათ შორის ჩემი მიმართვის, რომ მოგვაწოდონ ინფორმაცია, როდის ჩაინიშნება მოსმენა. შევხედავ, როგორ განვითარდება მოვლენები. ძალიან დიდი იმედი მაქვს, რომ პარლამენტი სრულად არ დაარღევევს რეგლამენტს. საერთოდ ასეთი რამ ისტორიას არ ახსოვს, ალბათ, იქნება პირველი შემთხვევა და ძალიან დიდი იმედი მაქვს, ეს მოწვევის პარლმენტი არ ჩაეწერება ისტორიაში, როგორც პარლამენტი, რომელმაც არ მოუსმინა სახალხო დამცველს და დაარღვია საკუთრი რეგლამენტი. თუმცა, თუ ასე მოხდა, ჩვენ ვიფიქრებთ სხვა საკანონმდებლო გზებსა და მექანმიზმებზე, რასაც გამოვიყენებთ იმისთვის, რომ პარლამენტმა მოგვისმონოს. ჯერ მე არ მაქვს განცდა, რომ პარლამენტი არ მოგვისმენს, მაგრამ თუ დავინახეთ, რომ ეს ასე არის, ვეცდებით, რომ სხვადასხვა მექანიზმების გამოყენებით ამას მივაღწიოთ“, - აღნიშნა სახალხო დამცველმა.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს