პაატა მანჯგალაძე - საქართველო დღეს არის მაჩანჩალა - „ქართული ოცნების“ „შემოქმედების“ შედეგია, რომ „ევრაზიულ ლიგაში“ გადავედით

სამეულიდან, რომელიც ელოდება კანდიდატის სტატუსს, საქართველო დღეს არის მაჩანჩალა. „ქართული ოცნების“ „შემოქმედების“ შედეგია, რომ „ევრაზიულ ლიგაში“ გადავედით, - ამის შესახებ ჟურნალისტებთან „სტრატეგია აღმაშენებლის“ დეპუტატმა პაატა მანჯგალაძემ განაცხადა.

მისი თქმით, ქვეყანა იმსახურებს კანდიდატის სტატუსს და სწორედ გეოპოლიტიკური ვითარებიდან გამომდინარე უნდა მიანიჭონ, რადგან სხვა გადაწყვეტილება რუსეთმა მწვანე შუქის ანთებად შეიძლება ჩათვალოს.

„საქართველო იმსახურებს კანდიდატის სტატუსს, მაგრამ არ იმსახურებს ისეთ ხელისუფლებას, რომელიც დღეს გვყავს, რომელიც ხელს უშლის ევროინტეგრაციის პროცესს. მათ არაფერში სჭირდებათ კანდიდატის სტატუსი, ამბობენ კიდეც, რომ არაფრის მომცემია, რადგან მათთვის საქართველო არის ივანიშვილის უკანა ეზო. სამეულიდან, რომელიც ელოდება კანდიდატის სტატუსს, საქართველო დღეს არის მაჩანჩალა ადგილზე და არის რისკი გადავიდეთ აზერბაიჯან- სომხეთის ჯგუფში. ეს არის „ქართული ოცნების“ „შემოქმედების“ შედეგი, რომ გადავედით ევრაზიულ ლიგაში, რაც დასანანია.

მაკრონის განცხადება იმას ნიშნავს, რომ ძალით ევროპაში არავინ შეგვათრევს, ეს არ არის ევრაზიული კავშირი ან დსთ, რომ ასე მოხდეს, ჩვენ თუ ევროპაში გვინდა, უნდა ვაკმაყოფილებდეთ ევროპულ სტანდარტებს. დემოკრატიის სტანდარტებს ვერ აკმაყოფილებს ქვეყანა ხელისუფლების გამოისობით, მაგრამ სწორედ გეოპოლიტიკიდან გამომდინარე უნდა მისცენ ქვეყანას სტატუსი, რომ რუსეთმა ეს არ ჩათვალოს მწვანე შუქის ანთებად,“ - განაცხადა მანჯგალაძემ.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა