შალვა პაპუაშვილი შვედეთის თავდაცვის მინისტრს შეხვდა

საქართველოს პარლამენტის თავმჯდომარე, შალვა პაპუაშვილი, რომელიც დელეგაციასთან ერთად, შვედეთის სამეფოში იმყოფება, შვედეთის თავდაცვის მინისტრს, პეტერ ჰულთქვისტს შეხვდა.

შეხვედრაზე საქართველოს ევროპული და ევროატლანტიკური ინტეგრაციის, ასევე, შვედეთის მიერ ნატოში წევრობის განაცხადის შეტანაზე ისაუბრეს.

ყურადღება გამახვილდა უკრაინაში რუსეთის აგრესიის შედეგად არსებულ გამოწვევებზე და უსაფრთხოების საერთაშორისო გარანტიების მიღების მნიშვნელობაზე.

პეტერ ჰულთქვისტის განცხადებით, შვედეთი მტკიცედ უჭერს მხარს საქართველოს ევროპულ და ევროატლანტიკურ მისწრაფებებს.

შალვა პაპუაშვილისა და საპარლამენტო დელეგაციის ვიზიტი სკანდინავიურ ქვეყნებში შვედეთის სამეფოში დასრულდება. დელეგაციაში დეპუტატები: ნიკოლოზ სამხარაძე, მაკა ბოჭორიშვილი, მაია ბითაძე და ჰერმან საბო შედიან.

ინფორმაციას საქართველოს პარლამენტი ავრცელებს.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქართული პრესის მიმოხილვა 27.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
„სილქ როუდ ჯგუფი“ ბიზნესმენ ლევან კაჭარავას გარდაცვალებას ეხმაურება
პირველი კრიპტო POS-ტერმინალი საქართველოშია