გია ვოლსკი - ამორალურია, როცა საზოგადოებას უკიჟინებ, რუსული ორცხობილაც კი არ მიირთვას და თუ მიირთმევს, ერის მოღალატეა, ამ დროს, ჩუმად ინახავ ინფორმაციას, რომ მილიონობით რუბლი და ასიათასობით დოლარი რუსეთის ბიუჯეტიდან ჩამოგდის

როცა შენ ასეთი გააფთრებული, დუჟმორეული დამოკიდებულება გაქვს, კეთილი უნდა ინებო და შემოსავლების წარმოშობა დაასაბუთო - რა მხატვრობაა ამისთანა, რომ მისი მემკვიდრეებისთვის ამდენ დოლარს აგროვებ! - ეს განცხადება პარლამენტის პირველმა ვიცე-სპიკერმა გია ვოლსკიმ ჟურნალისტებთან გააკეთა.

ვოლსკის თქმით, “ამ შავბნელ გადმორიცხვებს ნათელი უნდა მოეფინოს, რაც ელენე ხოშტარიას ოჯახს არ გაუკეთებია“.

“ამორალურია, როცა საზოგადოებას ყოველ დღე უკიჟინებ, რომ რუსული ორცხობილაც კი არ მიირთვას და თუ მიირთმევს, ერის მოღალატეა. ამ დროს, ჩუმად ინახავ ინფორმაციას, რომ მილიონობით რუბლი და ასიათასობით დოლარი რუსეთის ფედერაციის ეროვნული ბიუჯეტიდან ჩამოგდის.

შეიძლება, ამას რაღაც გამართლება და დანიშნულება გააჩნია. შეიძლება შუაში სოლიკო ვირსალაძეა და მისი შემოქმედებიდან რაღაც ჰონორარი შემოდის, რაც საეჭვოა, მაგრამ ეჭვის გაფანტვაც შესაძლებელია“, - განაცხადა გია ვოლსკიმ.

ცნობისთვის, ტელეკომპანია “იმედმა“ გასულ კვირას გაავრცელა ინფორმაცია, რომლის თანახმად, ელენე ხოშტარიას მამის გოგი ხოშტარიას ანგარიშზე რუსეთიდან პერიოდულად სოლიდური თანხები ირიცხება. “ქრონიკის“ ცნობით, საუბარია მილიონობით რუსულ რუბლზე.

თავად ელენე ხოშტარიას ინფორმაციით, მამამისი გოგი ხოშტარია არის სოლიკო ვირსალაძის მემკვიდრე და მას რუსეთიდან ვირსალაძის ჰონორარი ერიცხება.

ალექსანდრე თვალჭრელიძე - პრეზიდენტი მართალია, ნებისმიერი ეროვნული მასშტაბის პროცესში პასუხისმგებლობის ლომის წილი მმართველ ძალას ეკისრება მიუხედავად იმისა, მართალია იგი ამ მომენტში თუ მტყუანი
დიმიტრი შველიძე - ოპოზიციამ ვერ მოძებნა სამოქმედო, ვერც ფორმულა და ვერც ლოზუნგი
ქართული პრესის მიმოხილვა 30.03.2023
ლიბერთი განათლებისთვის - ლიბერთის მხარდაჭერით „ევროპის უნივერსიტეტმა“ მოსწავლეთა ინფორმატიკის საერთაშორისო ოლიმპიადას უმასპინძლა
„ტოიოტა კავკასიამ“ ბრენდის ორი უახლესი მოდელი - 2023 წლის Toyota Corolla და სრულიად ახალი Toyota Corolla Cross წარადგინა
ბაზისბანკის მხარდაჭერით, კოლოსი დიღომი მრავალფუნქციურ საცხოვრებელ კომპლექსს აშენებს
გაიგე რომელ მედიკამენტებზე მიიღებ უკეთეს ფასებს დღეიდან