პარლამენტის შენობის წინ საქართველოსა და ევროკავშირის გიგანტური დროშები მოიტანეს
რუსთაველის გამზირზე, პარლამენტის შენობის წინ, სადაც აქცია „შინ ევროპისკენ“ უნდა დაიწყოს, საქართველოსა და ევროკავშირის დიდი ზომის დროშები მოიტანეს.
მოქალაქეები რუსთაველის გამზირზე უკვე იკრიბებიან.
ადგილზე მობილიზებულია პოლიცია. საავტომობილო მოძრაობა გადაკეტილია.
აქცია „შინ ევროპისკენ“ რუსთაველის გამზირზე რამდენიმე წუთში საქართველოს ჰიმნით გაიხსნება.
