ანა ნაცვლიშვილი - პრობლემას უნდა დაერქვას თავის სახელი - „ქართული ოცნების“ მხრიდან პრობლემის შეფუთვა, რაც შეიძლება იყოს დეოლიგარქიზაციის თაობაზე კანონის მიღება, ვერ იქნება გამოსავალი

პრობლემას უნდა დაერქვას თავის სახელი - „ქართული ოცნების“ მხრიდან პრობლემის შეფუთვა, რაც შეიძლება იყოს დეოლიგარქიზაციის თაობაზე კანონის მიღება, ვერ იქნება გამოსავალი, - ამის შესახებ "ლელოს" დეპუტატმა ანა ნაცვლიშვილმა განაცხადა, რითაც გამოეხმაურა საპარლამენტო უმრავლესობის წევრების განცხადებებს, რომ იმუშავებენ კანონმდებლობაზე, რომლის მიხედვით განისაზღვრება ვინ არის ოლიგარქი.

ნაცვლიშვილის განცხადებით, საკამათო რომ არ გახდეს ვინ იგულისხმება ოლიგარქში, შეუძლიათ ჩაიხედონ ევროპარლამენტის რეზოლუციაში.

„დეოლიგარქიზაციას რაც შეეხება, ჩვენ შეგვიძლია ჩავიხედოთ ევროპარლამენტის რეზოლუციაში საკამათო რომ არ გახდეს, ვინ და რა იგულისხმება ამაში, რეზოლუციაში წერია სიტყვა -სიტყვით, რომ საქართველოში არის ერთადერთი ოლიგარქი, ეს არის ივანიშვილი. დეოლიგარქიზაცია გულისხმობს ივანიშვილის რეალურ ჩამოშორებას ხელისუფლებიდან, რაც მან არ გააკეთა. შესაბამისად, პრობლემას უნდა დაერქვას თავის სახელი და პრობლემის შეფუთვა, რაც შეიძლება იყოს ახლა "ქართული ოცნების" მხრიდან ამ კანონის მიღების მცდელობა, ვერ იქნება გამოსავალი. ქართველ ხალხს სჭირდება ოლიგარქიისგან თავისუფალი ქვეყანა, ამას ამ ხელისუფლების პირობებში არანაირი პერსპექტივა არ ექნება, რადგან ეს ხელისუფლება 10 წელი ფლობდა ყველა სახელისუფლებო ბერკეტს, იყო პერიოდი, როცა ჰქონდათ საკონსტიტუციო უმრავლესობა და იმის ნაცვლად, რომ დაეცვათ საქართველოს სახელმწიფო ოლიგარქიული გავლენებისგან, ყველაფერი გააკეთეს, რომ სახელმწიფო ყოფილიყო მიტაცებული,"- განაცხადა ნაცვლიშვილმა.

ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
ქართული პრესის მიმოხილვა 30.06.2022
გოგა მელიქიძე - საპენსიო ფონდი მნიშვნელოვან ზრდას განაგრძობს
კახა ოქრიაშვილი - „ყაველაშვილის ტრიო“ მომავალში მრავალი პოლიტიკური ტრიუკისთვის იქნება გამოყენებული
„ფოთის ახალ საზღვაო ნავსადგურში“ დოკერისა და მძღოლ-ოპერატორების კურსებზე პრაქტიკულ სწავლებას 40-ზე მეტი პირი გადის
„ონისი“ - 3 მეგობრის მიერ დაწყებული გემრიელი ბიზნესი
კარდიოასმაგნე - გულ-სისხლძარღვთა დაავადებების პრევენცია და მკურნალობა
„ლიბერთი“ მასწავლებელთა პოპულარიზაციის გლობალურ კამპანიას უჭერს მხარს
მელიქიშვილის 10 ნომერში სასტუმრო ”რამადა თბილისი” გაიხსნა
სს „ლიბერთი ბანკის“ გენერალურ დირექტორად ბექა გოგიჩაიშვილი დაინიშნა
"არქი" ოქროს ბრენდის გამარჯვებული გახდა
ისტორიული დღე ვატიკანში - პირველად, სიქსტის კაპელაში, ქართული გალობა გაისმა