ალეკო ელისაშვილი - დეოლიგარქიზაცია აუცილებელია - პრემიერ-მინისტრი კი გვყავს, მაგრამ პრემიერის პრემიერი კიდევ სადღაც გვყავს -  ერთი-ორი მდიდარი კაცის საპამპულაო არასდროს უნდა იყოს ეს სახელმწიფო!

პარტია "მოქალაქეების" დეპუტატის ალეკო ელისაშვილის შეფასებით, დეოლიგარქიზაცია აუცილებელია იმისთვის, რომ ქვეყანა გაუკუღმართებულად არ იმართებოდეს.

როგორც მან პარლამენტის პლენარულ სხდომაზე აღნიშნა, „ერთი-ორი მდიდარი კაცის საპამპულაო არასდროს უნდა იყოს ეს სახელმწიფო“.

„ვფიქრობ, ყველამ კარგად უნდა გავაცნობიეროთ, პირველ რიგში, ხელისუფლებამ, „ქართულმა ოცნებამ“ და ოპოზიციამ , რომ 12 პუნქტი არის ჩვენი ისტორიული ამოცანა, ჩვენი ისტორიული დავალება, პოლარიზაციის შემცირება იქნება თუ სხვა. მესმის ძალიან ეხამუშება „ქართულ ოცნებას“ ამის მოსმენა, მაგრამ დეოლიგარქიზაცია აუცილებელია. ქვეყანა არ უნდა იმართებოდეს ისე გაუკუღმართებულად, როგორც ახლა იმართება, რომ პრემიერ-მინისტრი კი გვყავს, მაგრამ პრემიერ-მინისტრის პრემიერ-მინისტრი კიდევ სადღაც გვყავს, რომ არ ჩანს ისე. სახელმწიფო ინსტიტუტები უნდა მართავდეს ამ ქვეყანას და არა ვიღაც კაცი. იმ კაცის ნება-სურვილზე არ უნდა იყოს მთელი ქვეყანა აწყობილი. რამდენ ოლიგარქსაც შეეხება, იმდენ ოლიგარქს უნდა შეეხოს ეს დეოლიგარქიზაცია, აქ მარტო ერთ კაცზე არ არის საუბარი. ერთი ან ერთი-ორი მდიდარი კაცის საპამპულაო არასდროს უნდა იყოს ეს სახელმწიფო, ამაზეა აქ საუბარი. ეს არის კეთილგანწყობილი რჩევა და არა თითის დაქნევა ევროპისგან. ამიტომ, ახლა გვაქვს ამოცანა და დღის წესრიგი ოპოზიციასაც, რომ რაღაც ღობე-ყორეს კი არ მივედოთ, კონკრეტული რაღაცის შესრულება მოვთხოვოთ „ქართულ ოცნებას“. „ქართულ ოცნებას“ ძალიან კონკრეტული დღის წესრიგი გაქვთ, ზუსტად ეს უნდა შეასრულოთ, რომ ერთი ხელის გაწვდენა შესაძლებლობა და შანსი ხელიდან არ გაუშვათ.

არავინ ცას არ გამოვეკერებით, არავინ სამარადჟამოდ არ დავბადებულვართ. ისე ნუ გავაკეთებთ, რომ ჩვენი ქვეყნის ისტორიის, ჩვენი შვილების მომავლის წინაშე შევრცხვეთ. ადრე თუ გვიან ამ ქვეყნიდან წავალთ, სახელიღა დარჩება და ის, რაც გაგვიკეთებია. ჰოდა, ეს უნდა გავაკეთოთ, რომ საქართველო პოლიტიკურადაც გახდეს ევროპის ნაწილი. რატომ? იმიტომ, რომ ბოლოს და ბოლოს ქვეყანა გამდიდრდეს. ევროკავშირის წევრობა არის სიმდიდრე. გვეყო ეს გაჭირვება და სიღატაკე. ის უძლურება, რაშიც ვცხოვრობთ. აი, ამისკენ უნდა წავიდეთ. ფეხის ათრევით გააკეთებთ ამას თუ სწრაფად, უნდა გააკეთოთ. ოპოზიციის ერთადერთი ამოცანა არის ის, რომ ვაიძულოთ „ქართული ოცნება“, ყველა პუნქტი შეასრულოს. თუ იძულება არ დაგჭირდებათ, მაგას რა აჯობებს“, - განაცხადა ელისაშვილმა.

ხათუნა ბურკაძე - ნატო რუსეთის აგრესიის პირისპირ მყოფი პარტნიორების მხარდაჭერას ზრდის, რაც საქართველოს თავდაცვისუნარიანობის გაძლიერებისათვის ახალ შესაძლებლობებს ქმნის
გიორგი კაჭარავა - ევროკავშირის გრძელვადიანი სტრატეგიული ინტერესების გათვალისწინებით, ამ ეტაპზე საქართველოსთვის კანდიდატის სტატუსის მინიჭებაზე უარის თქმა ევროპული სტრუქტურების შეცდომა იყო
ქართული პრესის მიმოხილვა 30.06.2022
ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
კახა ოქრიაშვილი - "ღალატის პარტიას" არ სურს, საქართველო გახდეს ევროკავშირის წევრი ქვეყანა
დავით ზილფიმიანი მიმართვას ავრცელებს
PSP წლის ორი უმნიშვნელოვანესი ბიზნესდაჯილდოების - „ოქროს ბრენდი 2021“ და „ეროვნული ბიზნეს რეიტინგი XXII“-ის გამარჯვებულია
„წისქვილი მცხეთაში“ – „წისქვილი ჯგუფის“ სარესტორნო ქსელს დღეიდან კიდევ ერთი გამორჩეული რესტორანი ემატება
„იმპექსში“ ყოველკვირეული, უპრეცედენტო შეთავაზებები იწყება
ახალი ლიბერთი ახალი ცხოვრებისათვის - ლიბერთის და “ტელეკლინიკა - MyDoc“-ის ჯანმრთელობის ხელმისაწვდომობის პროგრამა
„აპარტ დეველოპმენტმა“ ახალი გაყიდვების ოფისი გახსნა
თბილისში დავით ტატიშვილის სამედიცინო ცენტრის კიდევ ერთი ფილიალი გაიხსნა
„ვენდისსა“ და „დანკინში“ „დორას“ „მამალოები“ უკვე წარმატებით იყიდება