რომან გოცირიძე - ერთხელ თუ მოხვდი სანქცირებულთა სიაში, ვერავინ ამოგაგდებს იქიდან, დამთავრდა ბიძინა ივანიშვილის მმართველობა, მოხვდა ევროკავშირის რეზოლუციაში - ვერავითარი კანონი ოლიგარქიის შესახებ ვერ იმუშავებს და არც არავინ დაგიჯერებთ

ერთხელ თუ მოხვდი სანქცირებულთა სიაში, ვერავინ ამოგაგდებს იქიდან, დამთავრდა ბიძინა ივანიშვილის მმართველობა, მოხვდა ევროკავშირის რეზოლუციაში - თქვენ მიერ მიღებული ვერავითარი კანონი ოლიგარქიის შესახებ ვერ იმუშავებს და არც არავინ დაგიჯერებთ, - ამის შესახებ „ნაციონალური მოძრაობის“ წევრმა რომან გოცირიძემ პარლამენტის პლენარულ სხდომაზე სიტყვით გამოსვლისას განაცხადა.

ამასთან, გოცირიძემ მმართველი გუნდის წევრებს მიმართა კითხვით, რატომ არ იღებს პარლამენტი საკონსტიტუციო ცვლილებებს მეორე მოსმენით. გოცირიძის თქმით, ეს იქნებოდა ევროკავშირისთვის სიგნალი, რომ შარლ მიშელის დოკუმენტს დაუბრუნდნენ.

„24-მდე ხომ იყო ერთი კვირა, ხომ შეგეძლოთ რამდენიმე ნაბიჯი გადაგედგათ და დარჩენილი, თუნდაც 1%-იანი შანსი გამოგეყენებინათ? რატომ არ იღებთ კონსტიტუციას მეორე მოსმენით? ეს ხომ იქნებოდა სიგნალი, შეტყობინება ევროკავშირისადმი, რომ შარლ მიშელის დოკუმენტს ვუბრუნდებით. რატომ არ იღებს ბუტაფორია პრეზიდენტი გადაწყვეტილებას პოლიტიკურ პატიმრებთან დაკავშირებით, თავის ოფისში ჩაის სმა რომ მოაწყო და სხვადასხვა ადამიანს ეძახის. ის თავისთავად მართულია ივანიშვილის მიერ.

ერთი განცხადება მოგვასმენინეთ ან ერთი ნაბიჯი დაგვანახეთ. არა - არ გინდათ თქვენ. იმიტომ არ გინდათ, რომ ეს არ უნდა ბიძინა ივანიშვილს.

ასეთი ხუმრობით ნათქვამი არსებობს ბიუჯეტის ფლანგვასთან დაკავშირებით, საერთაშორისო მეტაფორაა - ერთხელ თუ მოხვდი ბიუჯეტის ხარჯებში, ვერავინ ვერ ამოგაგდებს იქიდან. ერთხელ მოხვედრაა მთავარი. ერთხელ თუ მოხვდი სანქცირებულთა სიაში, ვერავინ ამოგაგდებს იქიდან. დამთავრდა ბიძინა ივანიშვილის მმართველობა. მოხვდა ევროკავშირის რეზოლუციაში. განმარტებულია ვინ არის ოლიგარქი. თქვენ მიერ მიღებული ვერავითარი კანონი ოლიგარქიის შესახებ, სადაც ბიძინა ივანიშვილი გაყვანილი იქნება ამ სივრციდან, ვერ იმუშავებს და არც არავინ დაგიჯერებთ. ბიძინა ივანიშვილმა საქართველოში ციხე-სიმაგრეები და ბუნკერები ააშენა. მთელი ქვეყანა მის უსაფრთხოებას ემსახურება, სანამ არ იგრძნობს პერსონალურად, ვერცერთი ნაბიჯი ვერ იქნება თქვენგან გადადგმული. თქვენგან ვიღაცამ თქვა, ჩვენი მეგობრები იყვნენო ქუჩაში გუშინ - დიახ, ის მეგობრები გაქცევენ ზურგს, იმიტომ, რომ ერთი კაცის მართული ბრძანდებით“,- განაცხადა რომან გოცირიძემ.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა