მინდა ივანიშვილს ვუთხრა, ჩემი დეკლარაცია არის საჯარო, მთელი ჩვენი ქონების წართმევა რომ გადაწყვიტოს, მაინც არ გადავუხვევთ ჩვენი გზიდან, - ამის შესახებ “ლელოს“ ერთ-ერთმა ლიდერმა ბადრი ჯაფარიძემ განაცხადა.

ჯაფარიძის თქმით, გააგრძელებენ „ბრძოლას ქვეყნის ევროპული მომავლისთვის“.

“ლელოს“ ინფორმაციით, სასამართლომ „თიბისი ბანკის“ აქციონერების - მამუკა ხაზარაძისა და ბადრი ჯაფარიძის 30 მლნ ლარამდე მისაღები დივიდენდების დაყადაღებასთან დაკავშირებით, შესაბამისი განჩინება „თიბისი ბანკს“ დღეს ჩააბარა.