პარლამენტის სპორტისა და ახალგაზრდულ საქმეთა კომიტეტის წევრი, გივი მიქანაძე სტრასბურგში ევროპის საბჭოს ახალგაზრდული დეპარტამენტის უფროსს, ანტიე როტემუნდს შეხვდა. ამის შესახებ ინფორმაციას საქართველოს პარლამენტის პრესსამსახური ავრცელებს.
მათი ცნობით, შეხვედრაზე განიხილეს პარლამენტის სპორტისა და ახალგაზრდობის კომიტეტის საქმიანობა და გეგმები ახალგაზრდობის სფეროში.
ამასთან, შეხვედრისას საუბარი შეეხო კომიტეტის მიერ მიღებული ახალგაზრდობის კონცეფციის განხორციელებას, კომიტეტის მიერ საზედამხედველო ფუნქციის განხორციელებასა და თანამშრომლობას ახალგაზრდულ ორგანიზაციებთან და პარტნიორებთან. შეხვედრისას განიხილეს სამომავლო თანამშრომლობის პერსპექტივები. მხარეები შეთანხმდნენ აქტიურ კომუნიკაციასა და ინფორმაციის რეგულარულ გაცვლაზე.