ირაკლი კობახიძე - ყველამ იცის, რომ 99% დარჩება იგივე, რაც წერია ევროკომისიის დოკუმენტში, ეს არის დღესავით ნათელი - ამ დღეებში რაიმეს შეცვლის პერსპექტივა არ არსებობდა

„ქართული ოცნების“ თავმჯდომარის, ირაკლი კობახიძის განცხადებით, საქართველოსთვის ევროკავშირის კანდიდატის სტატუსის მინიჭებასთან დაკავშირებით ევროკომისიის რეკომენდაცია და გადაწყვეტილება 99%-ით იგივე დარჩება. ასე უპასუხა მან ჟურნალისტების შეკითხვას, რომელიც ევროპული საბჭოს გადაწყვეტილების მოლოდინს ეხებოდა.

„ყველამ იცის, რომ 99% დარჩება იგივე, რაც წერია ევროკომისიის დოკუმენტში, ეს არის დღესავით ნათელი“, - განაცხადა ირაკლი კობახიძემ.

ამასთან, კობახიძის თქმით, ევროკომისიის გადაწყვეტილების შემდეგ, რაიმეს შეცვლის პერსპექტივა არ არსებობდა.

„ბევრი რამ გაკეთდა, ზოგადად, ერთი თვის განმავლობაში. კომისიის მერე აზრი არ აქვს, ყველამ იცის, ჩვენც, ოპოზიციამაც, აქაც „ფეიკ“ კამპანიას აწარმოებენ, რომ თითქოს რაღაც შეიძლება შეიცვალოს. არის მხოლოდ თეორიული შანსი იმის რაღაც მოხდეს, პრაქტიკული შანსი ამის არ არსებობს და ეს ყველამ კარგად იცის. მათ შორის, იმ ჟურნალისტებმაც, რომლებიც არიან გარკვეული საბჭოს საქმიანობაში და იქიდან ინფორმაცია გამოაქვთ, თქვეს, რომ კომისიის გადაწყვეტილებას გაიმეორებს საბჭო. ამ დღეებში რაიმეს შეცვლის არანაირი პერსპექტივა არ არსებობდა. კიდევ ერთი არასწორი მოლოდინი შექმნეს იმისთვის, რომ ემოციები გაახურონ. რაც შეეხება კომუნიკაციას, არ წყდება. ჩვენი ხელისუფლების უმაღლესი წარმომადგენლები არიან ყოველდღიურ კომუნიკაციაში ევროკავშირის წარმომადგენლებთან. ყოველდღიურ რეჟიმში ხდება ეს ყველაფერი. ვიზიტი რომ გაკეთებულიყო ამ 2-3 დღეში, ეს არაფერს შეცვლის. სხვა ყველაფერი კეთდება, მაგრამ ყველას ესმის, რომ კომისიისა და საბჭოს გადაწყვეტილებებს შორის არსებითი სხვაობა ვერ იქნება“, - განაცხადა კობახიძემ.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქართული პრესის მიმოხილვა 27.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
„სილქ როუდ ჯგუფი“ ბიზნესმენ ლევან კაჭარავას გარდაცვალებას ეხმაურება
პირველი კრიპტო POS-ტერმინალი საქართველოშია