სალომე სამადაშვილმა და ანა ნაცვლიშვილმა ირაკლი ღარიბაშვილის სიტყვით გამოსვლისას სკამები შეატრიალეს და პროტესტის ნიშნად ზურგი აქციეს

პარლამენტის ოპოზიციონერმა დეპუტატებმა სალომე სამადაშვილმა და ანა ნაცვლიშვილმა ირაკლი ღარიბაშვილის სიტყვით გამოსვლისას სკამები შეატრიალეს და პროტესტის ნიშნად ზურგი აქციეს.

დეპუტატების პროტესტი ირაკლი ღარიბაშვილის ფრაზას მოჰყვა, რომლის თქმით, „ივანიშვილი რომ არ მოსულიყო, აქ დატრიალდებოდა მეორე მარიუპული“.

„რომ არ მოსულიყო ბატონი ივანიშვილი პოლიტიკაში, თქვენ დღეს აქ გააკეთებდით მეორე მარიუპოლს, გაწირავდით ქვეყანას და ხალხს, დაანგრევინებდით და გაყიდიდით საქართველოს. თქვენგან განსხვავებით ძვირფასო ოპონენტებო, ჩვენ ვემსახურებით ჩვენს ქვეყანას, საქართველოს. წინაზე დაგისვით კითხვა და მოგიწევთ გასცეთ პასუხი რას ემსახურებით?“ - აღნიშნა სიტყვით გამოსვლისას ირაკლი ღარიბაშვილმა.

მისივე შეფასებით, ოპოზიციის არგუმენტი, რომ ივანიშვილს ყველა თანამდებობაზე საკუთარი ხალხი ჰყავს, უსაფუძვლოა, ვინაიდან „არცერთი ქვეყანა საკუთარ მთავრობას ოპოზიციით არ მართავს“.

ბიძინა ივანიშვილმა დატოვა პოლიტიკური თანამდებობდა და ახლა არგუმენტი გაქვთ, რომ ივანიშვილს თურმე ავტორიტეტი აქვს. უკაცრავად, მაგრამ მინდა შევახსენო ამ ძალიან „კონსტრუქციულ“ ოპონენტებს, აშშ-ში ბაიდენის ადმინისტრაციაში, პრეზიდენტ ობამას კადრები დაბრუნდნენ სხვადასხვა თანამდებობაზე. ეს იგივეა ობამას დააბრალო ოლიგარქიული ტიპის მმართველობა. მთავარი არგუმენტი გაქვთ, რომ ივანიშვილის ხალხია ყველა თანამდებობაზე. უკაცრავად, მაგრამ სააკაშვილის ხალხი ხომ არ იქნება? რომელი ქვეყანა მართავს ოპოზიციით საკუთარ მთავრობას. ჩვენ ვართ ივანიშვილის დაფუძნებული გუნდი, მისი პოლიტიკის გამგრძელებლები და ეს არის აბსოლუტურად გასაგები ყველასთვის“, - აღნიშნა ირაკლი ღარიბაშვილმა.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა