პარლამენტის პლენარულ სხდომაზე, სადაც პრემიერ-მინისტრის ანგარიში მოისმინეს, „ერთიანი ნაციონალური“ მოძრაობის წევრ დავით ხაჯიშვილსა და „ქართული ოცნების“ დეპუტატ დიმიტრი სამხარაძეს შორის სიტყვიერი დაპირისპირება მოხდა.

სამხარაძემ ხაჯიშვილს შეურაცხმყოფელი სიტყვებით მიმართა მას შემდეგ, რაც ხაჯიშვილმა „ქართული ოცნების“ წევრებს მოღალატეები უწოდა.

„შეგახსენებთ, რომ უკრაინის გამო გაიხსნა კანდიდატის სტატუსის მიღების შესაძლებლობის ფანჯარა და ამის შემდეგ ამ საკითხში იბოღმებით და ადანაშაულებთ ევროპას იმის მაგივრად, რომ დაადანაშაულოთ მხოლოდ თქვენი თავი. მხოლოდ თქვენ ხართ დამნაშავე, რომ სტატუსს ვერ მივიღებთ. ღალატობთ მეგობრებს, ქვეყნის ინტერესებს, ანუ თქვენ ხართ მოღალატე“,- განაცხადა დავით ხაჯიშვილმა.

რაც შეეხება სამხარაძის რეპლიკას, მან ხაჯიშვილს შემდეგი სიტყვებით მიმართა: „მაგ ფურცელს გაგიკეთებ ტრ...-ში, შე ნაბიჭვარო“.