ირაკლი ზარქუა - ქალბატონო ხატია, ტყუილად ცდილობთ რამდენიმე დღის წინ გამართული აქცია მიითვისოთ, იქ „ნაცმოძრაობა“ უმცირესობაში იყო - პლაკატიც ვერ აიტანეთ და ჩამოგაბუნძულეს

ქალბატონო ხატია, ტყუილად ცდილობთ რამდენიმე დღის წინ გამართული აქცია მიითვისოთ, იქ „ნაციონალური მოძრაობა“ უმცირესობაში იყო - 24 ივნისი ეს არის „ნაციონალური მოძრაობის“ „მცდელობა 2“, რომ რევოლუციაში გადაიყვანონ ეს პროცესი - არ გამოგივათ, გამორიცხულია, - ასე მიმართა უმრავლესობის წევრმა, ირაკლი ზარქუამ პარლამენტის პლენარულ სხდომაზე „ნაციონალურ მოძრაობას“.

ზარქუას შეფასებით, „ნაციონალურ მოძრაობას“ მხარდამჭერები არ ჰყავს.

„მიუხედავად იმ რეკომენდაციებისა, რაც ევროკომისიამ გვთხოვა და გვითხრა, რომ დეპოლარიზაცია მოხდეს, ჩვენ ვნახეთ როგორ ესმით ეს. პირველივე პუნქტი დღეს დაარღვიეს. ქალბატონო ხატია, ტყუილად ცდილობთ რამდენიმე დღის წინ გამართული აქცია მიითვისოთ, იქ „ნაციონალური მოძრაობა“ უმცირესობაში იყო და ამის დემონსტრირება იყო, როდესაც პლაკატიც არ აგატანინეს მოედანზე და მიკროფონიც კი არ მოგცეს. ერთი საათი ვერ მოგისმენიათ ვერ აგიტანიათ სიმართლე და ემუქრებით პრემიერს, მთავრობას, რომ ჩამოგაგდებთ, დაგამთავრებთო. ამიტომ კიდევ ერთხელ ცხადად უნდა ითქვას; 24 ივნისი ეს არის „ნაციონალური მოძრაობის“ „მცდელობა 2“, რომ რევოლუციაში გადაიყვანონ ეს პროცესი - არ გამოგივათ, გამორიცხულია, რადგან მხარდამჭერებიც არ გყავთ და ამის დემონსტრირება იყო ის, რომ პლაკატიც ვერ აიტანეთ და იქიდან ჩამოგაბუნძულეს.

რა თქვა კაცო პრემიერმა არასწორი?! სტრატეგიული ობიექტები: „ხრამ 1“, „ხრამ 2“, თბოელექტრო სადგური, „თელასი“, „ჯივიპი“ არ გადაეცით რუსებს? „ვნესტორ ბანკი“, „ბილაინი“ არ შემოიყვანეთ თქვენ? ომის შემდეგ უვიზო მიმოსვლა ცალმხრივად არ დაუწესეთ რუსეთს? კაცო არ გახსოვთ ეს მართლა?! „დაგუგლეთ“, ბატონო რომან.

არ გაქვთ მხარდაჭერა და ცდილობთ რევოლუციური გზებით გადაკეტოთ გზები, იქნებ ახალგაზრდები აიყოლიოთ. ახალგაზრდებმა უარი გითხრათ და ბანერი ჩამოგიგდოთ - აი, ეს არის სწორი მიდგომა. ჩვენ, საქართველოს მოსახლეობის უმრავლესო ვართ ერთნი ევროპის გზაზე და ამას ჩვენ მივაღწევთ, ეს იცოდეთ“, - განაცხადა ზარქუამ.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა