ევროპულ პარლამენტში არის სრული თანხმობა იმასთან დაკავშირებით, რომ ქართველი ერი იმსახურებს ევროკავშირის კანდიდატობას - არჩევანი მარტივია: ან რეფორმა და დეოლიგარქიზაცია, ან ევროპული კავშირის წევრობის შესაძლებლობა, - ამის შესახებ „ლელოს“ საგარეო მდივანმა, გრიგოლ გეგელიამ განაცხადა.

"ევროპულ პარლამენტში არის სრული თანხმობა იმასთან დაკავშირებით, რომ ქართველი ერი იმსახურებს ევროკავშირის კანდიდატობას, თუმცა ამავე დროს არის მკაფიოდ ჩამოყალიბებული ხედვა, რომ ამ გზაზე ვებერთელა წინაღობას წარმოადგენს ოლიგარქი ივანიშვილი და მისი რეჟიმი. არჩევანი მარტივია, ან რეფორმა და დეოლიგარქიზაცია, ან - ევროპული კავშირის წევრობის შესაძლებლობა.

"ლელოსა" და ყველა პროევროპელი ქართველის სახელით, საქართველოს ყველა ძირითად პარტნიორს კიდევ ერთხელ გადავეცი და გადავცემ მთავარ გზავნილს, რომ არ უნდა დავუშვათ საქართველოს ევროპული პერსპექტივის მოსპობა", - განაცხადა გრიგოლ გეგელიამ.

„ლელოს“ ინფორმაციით, გრიგოლ გეგელია ევროპარლამენტარებს ანდრიუს კუბილიუსს („ევროპის სახალხო პარტია“), მარკეტა გრეგოროვას ("მწვანეები") და პეტრას აუსტრევიჩიუსს ("Renew Europe") შეხვდა.

შეხვედრებისას განიხილეს საქართველოს შანსები და პერსპექტივები ევროპული საბჭოს გადაწყვეტილების მოლოდინში, ისევე როგორც მიშელის შეთანხმების რეფორმების გატარების აუცილებლობა და ოპოზიციის სამოქმედო გეგმები.