ლევან ბეჟაშვილი - ვიმედოვნებთ, ვეტო იქნება დასაწყისი იმის, რომ პრეზიდენტი ბევრად უფრო თამამად და თანმიმდევრულად შეასრულებს კონსტიტუციურ უფლებამოსილებებს

ვიმედოვნებთ, ვეტო იქნება დასაწყისი იმის, რომ პრეზიდენტი ბევრად უფრო თამამად, თანმიმდევრულად შეასრულებს კონსტიტუციურ უფლებამოსილებებს და დაიცავს სახელმწიფოს ინტერესებს და არა რომელიმე პარტიის, ამ შემთხვევაში "ქართული ოცნების" ინტერესებს,- ამის შესახებ "ნაციონალური მოძრაობის" დეპუტატმა ლევან ბეჟაშვილმა განაცხადა, რითაც გამოეხმაურა ვეტოს ფარული საგამოძიებო მოქმედებების ჩატარებასთან დაკავშირებულ კანონპროექტზე.

მისი თქმით, მნიშვნელოვანია პრეზიდენტი გადაწყვეტილებებში იყოს თანმიმდევრული, რადგან მისი პასუხისმგებლობაც არის სასამართლოში არსებული ვითარება.

"ვეტოს დადება იყო ძალიან მნიშვნელოვანი, რადგან სისხლის სამართლის საპროცესო კოდექსში კიდევ უფრო მძიმდება მოქალაქეების მდგომარეობა და ეხსნებათ სპეცსამსახურებს ხელ-ფეხი რომ მოსმენა უსასრულოდ გააგრძელონ. მაგრამ იმავდროულად მნიშვნელოვანია პრეზიდენტი ვეტოებში და მის გადაწყვეტილებებში იყოს თანმიმდევრული, მათ შორის სასამართლო სისტემაში შექმნილ ვითარებაში მისი პასუხისმგებლობა მთავარი და განმსაზღვრელია, იქნება ეს იუსტიციის საბჭოს წევრების თუ მოსამართლეების წარმოდგენა, მისი გადაწყვეტილების შესაბამისად გვაქვს ვითარება, რაც არის",-განაცხადა ბეჟაშვილმა.

ის ასევე გამოეხმაურა სალომე ზურაბიშვილის კრიტიკას მმართველი გუნდისა და ოპოზიციის მიმართ და აღნიშნა, რომ პრეზიდენტი პოლიტიკური კონიუნქტურის მიხედვით მოქმედებს, ამიტომ ობიექტურ არბიტრად ვერ გამოდგება.

"პრეზიდენტი არ უნდა იყოს არბიტრი პოლიტიკურ ძალებს შორის, მან უნდა შეასრულოს მისი სახელმწიფოებრივი კონსტიტუციური მისია. მას აქვს უფლებამოსილება, რომ კონსტიტუციის შესაბამისად შეასრულოს თუნდაც ორი მოთხოვნა, რომელიც ჩამოყალიბებულია ევროპარლამენტის რეზოლუციაში, აჩვენოს დასავლელ პარტნიორებს, რომ ქვეყანა წინ მიდის და დაიწყო მოთხოვნების შესრულება. ეს შეიძლება იქნებოდა 24 ივნისს მისაღები გადაწყვეტილებისთვის განმსაზღვრელიც. სამწუხაროდ, პრეზიდენტი პოლიტიკური კონიუნქტურის მიხედვით მოქმედებს, ამიტომ ობიექტურ არბიტრად ვერ გამოდგება” , - განაცხადა ბეჟაშვილმა.

ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
ქართული პრესის მიმოხილვა 27.06.2022
გოგა მელიქიძე - საპენსიო ფონდი მნიშვნელოვან ზრდას განაგრძობს
"არქი" ოქროს ბრენდის გამარჯვებული გახდა
ისტორიული დღე ვატიკანში - პირველად, სიქსტის კაპელაში, ქართული გალობა გაისმა
კახა ოქრიაშვილი - ივანიშვილის ღარიბაშვილი ქართველი ხალხის 90%-ს დესტრუქციულ ძალას უწოდებს!
საერთაშორისო ფორვარდინგული კომპანია "ტეპკო" განცხადებას ავრცელებს
„მაგნიტის“ მეხუთე გათამაშებაში მოგებული 100 000 ლარი - რა გეგმები აქვს გამარჯვებულ ოჯახს
Bitnet – კრიპტო სტარტაპი, რომელმაც საერთაშორისო დაფინანსება მოიპოვა
დომუსის ახალი, მზიანი და ნათელი საცხოვრებელი კომპლექსი გაზაფხულის ქუჩაზე
„სილქ როუდ ჯგუფი“ ბიზნესმენ ლევან კაჭარავას გარდაცვალებას ეხმაურება
პირველი კრიპტო POS-ტერმინალი საქართველოშია