ირაკლი ღარიბაშვილი - როცა 300 მოსამართლეს ირჩევენ, მთავრობას რა როლი გვაქვს? რას ითხოვთ ჩვენგან საერთოდ?

კეზერაშვილის საქმეები გამოძიებულიც არის, მისჯილიც აქვს დაუსწრებლად და დადასტურებული არის ზიანი, რომელიც მან მიაყენა თავდაცვის სამინისტროს, - ასე უპასუხა პრემიერ-მინისტრმა, ირაკლი ღარიბაშვილმა საქართველოს თავდაცვის ყოფილი მინისტრის, დავით კეზერაშვილის საქმეზე.

პრემიერ-მინისტრს კეზერაშვილთან დაკავშირებით კითხვა „მოქალაქეების“ ლიდერმა დაუსვა.

„თქვენ მკითხეთ კეზერაშვილზე, ბატონო ალეკო, მადლობა შეფასებისთვის, მე ამას ვაფასებ. როგორც ვიცი, კეზერაშვილის საქმეები გამოძიებულიც არის, მისჯილიც აქვს დაუსწრებლად და დადასტურებული არის ზიანი, რომელიც მან მიაყენა თავდაცვის სამინისტროს, ერთ-ერთ კონკრეტულ საქმეს ვგულისხმობ და არა ერთადერთს”, - განაცხადა ღარიბაშვილმა.

პრემიერმა ასევე ისაუბრა, უზენაეს სასამართლოსა და იუსტიციის უმაღლეს საბჭოში მოსამართლეთა დანიშვნის პროცესის შესახებ. ირაკლი ღარიბაშვილის თქმით, მთავრობას არანაირი შეხება არ აქვს მოსამართლეებთან, რომლებსაც არც იცნობენ. „ჩვენ გვისაყვედურეს, რომ საქართველოს შეეჩერებინა უზენაეს სასამართლოსა და იუსტიციის უმაღლეს საბჭოში მოსამართლეების დანიშვნები. მინდა მოგმართოთ კითხვით, როდესაც 300 მოსამართლეს ირჩევენ, ჩვენ, მთავრობას რა როლი გვაქვს საერთოდ? - ამ მოსამართლეების გვარებიც არ ვიცი. ეს 300 მოსამართლე, რომელიც მუშაობდა შევარდნაძის დროს, დაინიშნენ სააკაშვილის დროს, შეიძლება ახლა სხვებიც შეემატნენ, რა როლი აქვს მთავრობას და პარლამენტს, გარდა იმისა, რომ უზრუნველყოს ინსტიტუციების ეფექტური მუშაობა და არა შეაფერხონ ხელოვნურად, არ დავარღვიოთ კანონი და კონსტიტუცია, მათ შორის ხელისუფლების დანაწილების პრინციპი. რას ითხოვთ ჩვენგან საერთოდ?!“, - აღნიშნა პრემიერ-მინისტრმა.

ხათუნა ბურკაძე - ნატო რუსეთის აგრესიის პირისპირ მყოფი პარტნიორების მხარდაჭერას ზრდის, რაც საქართველოს თავდაცვისუნარიანობის გაძლიერებისათვის ახალ შესაძლებლობებს ქმნის
გიორგი კაჭარავა - ევროკავშირის გრძელვადიანი სტრატეგიული ინტერესების გათვალისწინებით, ამ ეტაპზე საქართველოსთვის კანდიდატის სტატუსის მინიჭებაზე უარის თქმა ევროპული სტრუქტურების შეცდომა იყო
ქართული პრესის მიმოხილვა 30.06.2022
ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
თბილისში დავით ტატიშვილის სამედიცინო ცენტრის კიდევ ერთი ფილიალი გაიხსნა
„ვენდისსა“ და „დანკინში“ „დორას“ „მამალოები“ უკვე წარმატებით იყიდება