ბატონმა შალვამ, რა შეცდომებიც დაუშვა, ჯობია ამაზე იფიქროს თვითონ, როცა მარტო დარჩება. კაცი გირგვლიანის ადვოკატი იყო და დღეს „ნაცებშია" , როგორ მოგწონთ? - ამის შესახებ საქართველოს პრემიერ-მინისტრმა ირაკლი ღარიბაშვილმა პარლამენტში, მთავრობის საქმიანობის წლიური ანგარიშის წარდგენისას, დეპუტატების კითხვების საპასუხოდ განაცხადა.
პრემიერმა ოპოზიციონერ დეპუტატს შალვა შავგულიძეს მიმართა თავად დაფიქრდეს.
„ესაა შალვა შავგულიძე, გაიცანით ბატონებო და მე მეკითხება, რა შეცდომები დაუშვით, რომ ამაზე იფიქროთ, რომ გამოასწოროთო. თქვენ იფიქრეთ ბატონო შალვა, თქვენ, თორემ ჩვენ ნაფიქრი გვაქვს",- განაცხადა ირაკლი ღარიბაშვილმა.