ირაკლი ღარიბაშვილი - 5 ივლისის მოვლენები, რაც არავის არ მოგვეწონა, ის თავდასხმები, რომლებიც განხორციელდა ოპერატორების, ჟურნალისტების წინააღმდეგ და ამაზე მთავრობას ჰქონდა მკაცრი რეაქცია

5 ივლისის მოვლენები, რაც არავის არ მოგვეწონა, ის თავდასხმები, რომლებიც განხორციელდა ოპერატორების, ჟურნალისტების წინააღმდეგ და ამაზე მთავრობას ჰქონდა მკაცრი რეაქცია, - ამის შესახებ საქართველოს პრემიერ-მინისტრმა, ირაკლი ღარიბაშვილმა პარლამენტში, დეპუტატების კითხვის საპასუხოდ განაცხადა.

პრემიერის თქმით, 30-ზე მეტი ადამიანი არის დაჭერილი და გასამართლებული.

„დანაშაული ყველა ქვეყანაში ხდება. ვინ იყო ამის ორგანიზატორი, კარგად ვიცით, ლგბტ ორგანიზაციის დირექტორი და „სირცხვილია", ეს ერთი ორგანიზმია, ამათ უკან დგას სააკაშვილი და „ნაციონალური მოძრაობა". მათი წახალისებული იყო ეს ვითომ ღირსების მარში, თუ რაღაც უნდა ჩაეტარებინათ, პირდაპირ პროვოკაცია, ანტიეროვნული, ანტისახელმწიფოებრივი პროვოკაცია, უნდოდათ გამოეწვიათ დესტაბილიზაცია ქვეყანაში, მასობრივი არეულობა, შეტაკებები, პოლიციას გამოეყენებინა ძალა. ეს დაგეგმეს ამ ადამიანებმა. რაც მოხდა მანამდე, დილის საათებში, რა თქმა უნდა, ამას არავითარი გამართლება არ აქვს, მაგრამ ეს მოხდა სხვა, ცალკეული ინდივიდების, მოქალაქეების მხრიდან მეორე, სხვა ინდივიდების, მოქალაქეების წინააღმდეგ, რაშიც სახელმწიფო ჩაერია, დასაჯა და რა თქმა უნდა, გაასამართლა ყველა დამნაშავე. თქვენ ამაზე მელაპარაკეთ და პასუხი გაეცით კი არა, რაღა პასუხი უნდა გასცეთ, ხალხმა გაგცათ უკვე პასუხი 8-ჯერ. ლუზერები არიან, 8 არჩევნებში წააგეს და ვერ ხვდებიან, რომ უბრალოდ, პერსპექტივა არ აქვთ. 8-ჯერ წააგეს, მეტი რა გინდათ, ვერ გავიგე.

გაგვეცით პასუხი კიდევ ერთხელ, გაეცით პასუხი ადამიანებს, სახელმწიფო რომ სჩადიოდა დანაშაულს, კლავდა, აწამებდა, აუპატიურებდა ადამიანებს, მაგაზე რას იტყვით. მაგაზე ილაპარაკეთ. გამოვიდა ჩვენი ერთ-ერთი დეპუტატი და გაგახსენათ. კასტილებიანი კაცი, წარმოიდგინეთ ამათ თავში რა ხდებოდა და ეს ხალხი მართავდა ქვეყანას. იმისთვის, რომ მიეღოთ, კარგად მისმინოს მედიამ და ხალხმა, საჭირო ჩვენება, გაჰყავდათ გაუბედურებული ადამიანები, აწამებდნენ, აუპატიურებდნენ, ამის კადრები ყველამ ნახა. კასტილებიანი კაცი არის ამ პარტიის სახე, ძალადობის, წამების, გაუპატიურების. სკოჩებით აბამდნენ და ასე აწამებდნენ. თქვენ ხართ ევროპელები, ეს არის ევროპა? კი, ეგ არის ხომ? მაგიტომ სხედხართ მანდ და ისხდებით დიდხანს.

ახლა რას მეუბნება იცით? ჩვენმა ხელისუფლებამ დანაშაული ჩავიდინეთო, მაგრამ თქვენ რატომ წაშალეთო. რა დანაშაულზე მესაუბრებით, ვის დანაშაულზე. კასტილებიანი უბირია, გვარი მახსოვს, ეს ნაძირალა კაცი აუპატიურებდა ხალხს, ბინძური ადამიანი.

მეგის ქარდავა, დათა ახალაია და აგერ, აკო მინაშვილი ერთი ხართ, ეგ ადამიანები აკეთებენ მაგ ყველაფერს, მაგ სიბინძურეს. ჩვენ დროს მოხდა ამ ყველაფრის გამოძიება. რა ევროპულობაზე მესაუბრებით თქვენ საერთოდ და როგორ ბედავთ სიტყვა ევროპის თქმას. ევროკავშირის დროშას ამოფარებული ადამიანები ხართ თქვენ. მეგის ქარდავამ რომ დაიჭიროს ევროკავშირის დროშა, ეგ არის თქვენი სახე.

თქვენი ხელწერა არის წამება, მკვლელობა და ა.შ,“, - განაცხადა ირაკლი ღარიბაშვილმა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს