პარტია „მოქალაქეები“ ევროპის საბჭოს საპარლამენტო ასამბლეის ყველაზე დიდი პოლიტიკური ჯგუფის - „სოციალისტების, დემოკრატების და მწვანეების“ წევრი გახდა. აღნიშნულთან დაკავშირებით ინფორმაციას პარტია „მოქალაქეები“ ავრცელებს.
მათივე ცნობით, პარტიის წევრობის საკითხი დღის წესრიგში მიმდინარე სასესიო კვირის დასაწყისში პოლიტიკური ჯგუფის ბიუროზე, სტრასბურგში დამტკიცდა.
„საკითხი ევროპული პოლიტიკური ჯგუფის მიერ ხმათა უმრავლესობით იქნება მხარდაჭერილი. პროცესს წინ უძღოდა 6-თვიანი მოლაპარაკებები და მოსამზადებელი პროცესები. პოლიტიკური ჯგუფი ამჟამად სტრასბურგში ევროპის საბჭოს საპარლამენტო ასამბლეაში უმრავლესობაშია, 165 მანდატით“, - ნათქვამია ინფორმაციაში.