ირაკლი კობახიძე ოპოზიციაზე - გიჟებივით იქცეოდნენ ეს ადამიანები - ობსტრუქციის მოწყობა სცადეს

როდესაც ირაკლი ღარიბაშვილმა დაიწყო გამოსვლა ევროკავშირის შესახებ, მას ჩაეჭრა რადიკალური ოპოზიცია და არ აძლევდნენ სიტყვის გაგრძელების საშუალებას, - ასე შეაფასა „ქართული ოცნების“ თავმჯდომარემ, ირაკლი კობახიძემ გუშინ პარლამენტის პლენარულ სხდომაზე საქართველოს პრემიერ-მინისტრის, ირაკლი ღარიბაშვილის გამოსვლა.

კობახიძის თქმით, ოპოზიციონერმა პოლიტიკოსებმა პარლამენტში სცადეს „ობსტრუქციის მოწყობა“, თუმცა მათ ამის საშუალება მაინც არ მიეცათ.

„როდესაც ირაკლი ღარიბაშვილმა დაიწყო გამოსვლა, საუბარი დაიწყო ევროკავშირის თემით და საუბრობდა იმაზე, რომ აღიარებულ იქნა ჩვენი ქვეყნის ევროპული პერსპექტივა, რაც იყო ძალიან კარგი და მნიშვნელოვანი. აქ მას ჩაეჭრა მთელი რადიკალური ოპოზიცია და არ აძლევდნენ სიტყვის გაგრძელების საშუალებას. მათ სცადეს ობსტრუქციის მოწყობა და მთლიანად ამ რეჟიმში ცდილობდნენ, რომ გაეგრძელებინათ სხდომა. ამის საშუალება მათ არ უნდა მისცემოდათ და არც მიეცათ.

რაც შეეხება გუშინდელ გამოსვლას, ზოგადად, გვაქვს იმის სურვილი, რომ ხალხს ვესაუბროთ არა ამ თემებზე, რაზეც გუშინ გვიწევდა ყველას ერთად საუბარი - პრემიერსაც და ჩვენც, არამედ ვისაუბროთ ორნიშნა ეკონომიკურ ზრდაზე და რას იწვევს ეს, რა შესაძლებლობებს აძლევს ეს ქვეყანას და ა.შ. ეს იქნებოდა უკეთესი სასაუბრო თემები, მაგრამ ამ ვითარებაში, როდესაც „შულავერის კომიტეტი“ ცდილობს რაღაცები დაგეგმოს - ქვეყანაში არეულობა, უბედურება და ა.შ., ჩვენ პირველ რიგში პასუხი უნდა გავცეთ ამ გეგმებს და ეს გააკეთა გუშინ ირაკლი ღარიბაშვილმა და გავაკეთეთ ჩვენ. ლექსიკაც აბსოლუტურად სწორი იყო. გიჟებივით იქცეოდნენ ეს ადამიანები [ოპოზიციონერები], სამარცხვინოდ იქცეოდნენ. აქედან გამომდინარე, ყველაფერს უნდა დაერქვას თავისი სახელი. როდესაც ოპოზიციაა ასეთი სახით აჩვენებს საკუთარ თავს, მათ უნდა დაერქვათ ნამდვილი სახელი. ეს სჭირდება იმას, რომ საბოლოო ჯამში სწორად გაიაზროს საზოგადოებამ სად ვართ დღეს და ვინ ვინ არის“, - განაცხადა ირაკლი კობახიძემ.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქართული პრესის მიმოხილვა 27.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
კახა ოქრიაშვილი - ივანიშვილის ღარიბაშვილი ქართველი ხალხის 90%-ს დესტრუქციულ ძალას უწოდებს!
საერთაშორისო ფორვარდინგული კომპანია "ტეპკო" განცხადებას ავრცელებს
„მაგნიტის“ მეხუთე გათამაშებაში მოგებული 100 000 ლარი - რა გეგმები აქვს გამარჯვებულ ოჯახს
Bitnet – კრიპტო სტარტაპი, რომელმაც საერთაშორისო დაფინანსება მოიპოვა
დომუსის ახალი, მზიანი და ნათელი საცხოვრებელი კომპლექსი გაზაფხულის ქუჩაზე
„სილქ როუდ ჯგუფი“ ბიზნესმენ ლევან კაჭარავას გარდაცვალებას ეხმაურება
პირველი კრიპტო POS-ტერმინალი საქართველოშია