თვითმმართველი ერთეულების - ზუგდიდის, რუსთავის, სენაკის, წალენჯიხის, ჩხოროწყუს საკრებულოების თავმჯდომარეები პარტიიდან „საქართველოსთვის“ ევროკავშირის ელჩს, ბატონ კარლ ჰარცელს მიმართავენ.
საკრებულოს თავმჯდომარეები ითხოვენ ქვეყანას ევროკავშირის წევრობის კანდიდატის სტატუსი მიანიჭონ.
„ვაცნობიერებთ რა, თვითმმართველობის როლს ინსტიტუტების გაძლიერებისა და ქვეყნის დემოკრატიული განვითარების საქმეში, მზად ვართ, მნიშვნელოვანი წვლილი შევიტანოთ ადგილობრივ დონეზე პოლიტიკური პოლარიზაციის შემცირებაში და ქვეყნის ინსტიტუციურ გაძლიერებაში, რაც ვფიქრობთ, ქვეყნის ისტორიისთვის ამ გადამწყვეტ მომენტში, ხელს შეუწყობს საქართველოს ევროპული მომავლის გადარჩენის პროცესს.
მოგმართავთ თხოვნით, გაითვალისწინოთ ზემოხსენებული გარემოება საქართველოს საკითხის განხილვის პროცესში და მოგვანიჭოთ ევროკავშირის წევრობის კანდიდატის სტატუსი”,-ნათქვამია განცხადებაში, რომელსაც ხელს აწერენ:
ზუგდიდის მუნიციპალიტეტის საკრებულოს თავმჯდომარე - გიგა ფარულავა;
სენაკის მუნიციპალიტეტის საკრებულოს თავმჯდომარე - ირაკლი კაჭარავა;
ჩხოროწყუს მუნიციპალიტეტის საკრებულოს თავმჯდომარე - შოთა წურწუმია;
წალენჯიხის მუნიციპალიტეტის საკრებულოს თავმჯდომარე - კორნელი სალია ;
რუსთავის მუნიციპალიტეტის საკრებულოს თავმჯდომარე - ნოდარ შეროზია.