ემანუელ მაკრონი - ჩვენ შევთავაზეთ ევროპული პერსპექტივა უკრაინას, მოლდოვას და საქართველოს, ეს არის ძლიერი სიგნალი რუსეთის მიმართულებით

ვლაპარაკობთ რა, უკრაინაზე, მოლდოვაზე, საქართველოზე, დასავლეთ ბალკანეთზე უფრო მნიშვნელოვანია ეს საუბრები, ვიდრე მანამდე, რადგან ევროპის მიწაზე ომი დაბრუნდა - დესტაბილიზაცია მიმდინარეობს ჩვენს სამეზობლოში და ამ კონტექსტში ჩვენ განვიხილავთ თანამშრომლობის ფორმებს, გაფართოების თვალსაზრისით, ევროპული პოლიტიკური თანამშრომლობის თვალსაზრისით, - ამის შესახებ საფრანგეთის პრეზიდენტმა ემანუელ მაკრონმა ბრიუსელში, დღევანდელ ბრიფინგზე განაცხადა.

მისი თქმით, ევროკავშირის გადაწყვეტილება არის ძლიერი სიგნალი რუსეთის მიმართულებით.

„მინდოდა ხაზი გამესვა, რამდენად მნიშვნელოვანი გახლავთ ეს იმ კონტექსტში, რომელშიც ჩვენ ახლა ვცხოვრობთ, იმ ომის კონტექსტში, რომელიც რუსეთმა გადაწყვიტა დაეწყო, რომელიც მიმდინარეობს უკრაინის მიწაზე. ერთი კვირის წინ კიევში მარიო დრაგთან, ოლაფ შოლცთან და რუმინეთის წარმომადგენელთან ჩვენ ავიღეთ ვალდებულება მიგვეღწია შეთანხმებას, რათა უკრაინისთვის მიგვეცა კანდიდატის სტატუსი, რომელიც მისცემდა ევროკავშირში გაწევრიანების საშუალებას. ჩვენ მივეცით მათ საგზაო რუკა, ეს დამოკიდებულია უკრაინაზე. ჩვენ ძალიან დიდი ნაბიჯი გადავდგით წინ პრეზიდენტ მიშელთან ერთად, უკრაინასთან ერთად. ჩვენ მივაღწიეთ კონსენსუსს საბჭოს შორის და პრეზიდენტ ზელენსკის ძალიან ნათელ გზავნილს ვუგზავნიდით, რომ კონფლიქტის პირველივე დღიდან ევროპა გაერთიანებულიყო, ძალიან აქტიურად ხდებოდა რეაგირება ამ კონფლიქტზე პირველ რიგში სანქციებით, შემდეგ მაკროეკონომიკური და სამხედრო, ფინანსური მხარდაჭერით, პოლიტიკური ჟესტების თვალსაზრისით, ერთიანი ძლიერი გაერთიანებული ევროპა ასრულებდა მის წინაშე დასმულ ამოცანას. ჩვენ შევთავაზეთ ევროპული პერსპექტივა უკრაინას, მოლდოვას და საქართველოს. ეს არის ძლიერი სიგნალი რუსეთის მიმართულებით, მიმდინარე გეოპოლიტიკურ კონტექსტში. ჩვენი არჩევანით, რომ უკრაინას და მოლდოვას მიეცეს კანდიდატის სტატუსი და ასევე, საქართველოს მიეცემა კანდიდატის სტატუსი, როცა დააკმაყოფილებენ იმ პრიორიტეტებს, რომელიც განსაზღვრა კომისიამ. ჩვენ ვალი გვაქვს უკრაინელების წინაშე, ისინი იბრძვიან ჩვენი ღირებულებებისთვის, იბრძვიან ტერიტორიული მთლიანობისთვის. მოლდოვას თვალსაზრისით, ჩვენ ასევე უნდა ვუპასუხოთ მოლდოვას პოზიციას - ეს იქნება ხანგრძლივი გზა ძალიან ბევრი პირობა და ჩვენ მზად ვიქნებით დავეხმაროთ ნებისმიერ რეფორმებში. პრეზიდენტმა მიშელმა აღწერა დეტალური გზა დისკუსიებისა, რომელიც მიმდინარეობს დასავლეთ ბალკანეთის რეგიონთან. ჩვენ ყველაფერს გავაკეთებთ, რომ კენჭისყრა ჩატარდეს ჯეროვნად ბულგარეთის პარლამენტში და ჩვენთვის არის საშუალება აი, ეს შესაძლებლობაც შევასრულოთ, რომ ძალიან დიდი რისკი აიღო საკუთარ თავზე ჩრდილოეთ მაკედონიამ უკანასკნელ კვირებში. ჩვენ გარღვევას უნდა მივაღწიოთ ალბანეთთან მიმართებაში, გადამწყვეტი ნაბიჯები გადავდგათ. ვლაპარაკობთ რა, უკრაინაზე, მოლდოვაზე, საქართველოზე, დასავლეთ ბალკანეთზე უფრო მნიშვნელოვანია ეს საუბრები, ვიდრე მანამდე, რადგან ევროპის მიწაზე ომი დაბრუნდა. დესტაბილიზაცია მიმდინარეობს ჩვენს სამეზობლოში და ამ კონტექსტში ჩვენ განვიხილავთ თანამშრომლობის ფორმებს, გაფართოების თვალსაზრისით, ევროპული პოლიტიკური თანამშრომლობის თვალსაზრისით“, - განაცხადა მაკრონმა, რომლის თარგმანიც საზოგადოებრივ მაუწყებელს ეკუთვნის.

ხათუნა ბურკაძე - ნატო რუსეთის აგრესიის პირისპირ მყოფი პარტნიორების მხარდაჭერას ზრდის, რაც საქართველოს თავდაცვისუნარიანობის გაძლიერებისათვის ახალ შესაძლებლობებს ქმნის
გიორგი კაჭარავა - ევროკავშირის გრძელვადიანი სტრატეგიული ინტერესების გათვალისწინებით, ამ ეტაპზე საქართველოსთვის კანდიდატის სტატუსის მინიჭებაზე უარის თქმა ევროპული სტრუქტურების შეცდომა იყო
ქართული პრესის მიმოხილვა 30.06.2022
ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
თბილისში დავით ტატიშვილის სამედიცინო ცენტრის კიდევ ერთი ფილიალი გაიხსნა
„ვენდისსა“ და „დანკინში“ „დორას“ „მამალოები“ უკვე წარმატებით იყიდება