მიხეილ სარჯველაძე ევროპული საბჭოს გადაწყვეტილებაზე - დღეს პოლიტიკოსები, რომლებიც ჩვენს მოსახლეობას არწმუნებენ, რომ ეს არის უკუსვლა, ისინი მოსახლეობას ატყუებენ

დღეს პოლიტიკოსები, რომლებიც ჩვენს მოსახლეობას არწმუნებენ, რომ ეს არის უკუსვლა, ისინი მოსახლეობას ატყუებენ, - ამის შესახებ საპარლამენტო უმრავლესობის წევრმა, მიხეილ სარჯველაძემ „პალიტრანიუსის“ გადაცემა „ნიუსრუმში“ განაცხადა, რითაც გამოეხმაურა ოპოზიციონერ პოლიტიკოსთა შეფასებებს იმასთან დაკავშირებით, რომ საქართველომ ევროკავშირის კანდიდატის სტატუსის ნაცვლად, ევროპული პერსპექტივის სტატუსი მიღო.

სარჯველაძის თქმით, ევროპული პერსპექტივა საქართველოსთვის ევროინტეგრაციის პროცესის მნიშვნელოვანი ნაბიჯია.

„ობიექტურად და რეალისტურად რომ შევაფასოთ, ჩვენ განსხვავებით უკრაინისა და მოლდოვისგან, გეოპოლიტიკური, გეოგრაფიული და ბევრი სხვა ფაქტორის გათვალისწინებით, დაუმსახურებლად, რაღაც სტატუსის სახით, ავანსად მოცემა ევროკავშირმა ჩვენს შემთხვევაში თავი შეიკავა. მგონია, რომ ეს ნორმალურია და ამას მოჰყვა ერთი მნიშვნელოვანი ნაბიჯი, რომელსაც ფონ დერ ლაიენი უზარმაზარ ნაბიჯს ეძახის. დღეს პოლიტიკოსები, რომლებიც ჩვენს მოსახლეობას არწმუნებენ, რომ ეს არის უკუსვლა, ისინი მოსახლეობას ატყუებენ. ნუ ატყუებენ მოსახლეობას. სამწუხაროდ, საპარლამენტო ტრიბუნიდან ისმოდა, რომ უკუსვლაა ევროინტეგრაციის მიმართულებით, რაც ტყუილია და ეს უნდა ვუთხრათ მოქალაქეებს.

რაც შეეხება ამ სტატუსის მიღებას, საქართველომ შეძლო მომდევნო ნაბიჯის გადადგმა, რასაც, შეიძლება ვთქვათ, ევროკავშირის პირველი პირებიც აფასებენ, როგორც საქართველოსთვის მართლაც მოსალოც ამბავს. ითქვა ისიც, რომ საქართველოს აქვს უზარმაზარი წინსვლა - ეს იყო უზარმაზარი ნაბიჯი წინ, შესაბამისად ამას კარგად დაფასება სჭირდება.

აქვე მინდა ვთქვა, რომ კანდიდატის სტატუსის არ მიღებასთან დაკავშირებით არავითარი მიზეზი გაწბილებისთვის ქართველ ხალხს არ გააჩნია”, - განაცხადა სარჯველაძემ.

ხათუნა ბურკაძე - ნატო რუსეთის აგრესიის პირისპირ მყოფი პარტნიორების მხარდაჭერას ზრდის, რაც საქართველოს თავდაცვისუნარიანობის გაძლიერებისათვის ახალ შესაძლებლობებს ქმნის
გიორგი კაჭარავა - ევროკავშირის გრძელვადიანი სტრატეგიული ინტერესების გათვალისწინებით, ამ ეტაპზე საქართველოსთვის კანდიდატის სტატუსის მინიჭებაზე უარის თქმა ევროპული სტრუქტურების შეცდომა იყო
ქართული პრესის მიმოხილვა 04.07.2022
ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
სოსო ტყემალაძე - აბასთუმნის კურორტის განვითარებისთვის, რომლის ინიციატივა ბიძინა ივანიშვილს ეკუთვნის, 1.3 მილიარდი ლარი დაიხარჯება
ბილბორდი - საქართველო - BILLBOARD GEORGIA - საქართველოში მუსიკალურ ჩარტებსა და სიახლეებს შემოიტანს