საგაზაფხულო სესია დაიხურა, მაგრამ ეს არ ნიშნავს, რომ პარლამენტი ისვენებს,- ამის შესახებ პარლამენტის თავმჯდომარე შალვა პაპუაშვილმა ჟურნალისტებს განუცხადა, რითაც უპასუხა კითხვას, რატომ არ იმართება პარლამენტის საგაზაფხულო სესიის დახურვის შემდეგ რიგგარეშე სესიის პლენარული სხდომები.
პაპუაშვილის თქმით, საკანონმდებლო ორგანოში კომიტეტები მუშაობას განაგრძობენ.
„ის, რომ პლენარული სხდომები არ არის, არ ნიშნავს, რომ პარლანეტი ისვენებს. პარლამენტში პლენარული სხდომები ერთადერთი ფორმატი არ არის. მიმდინარეობს საკომიტეტო მუშაობა და არიან დეპუტატები, რომლებიც მუშაობენ“,- განაცხადა მან.
რაც შეეხება ევროპული საბჭოს 12 რეკომენდაციას, პაპუაშვილი ამბობს, რომ მათგან „უდიდესი ნაწილი სწორედ პარლამეტის განსახორციელებელი იქნება“ და ამაზე იმუშავებენ.
შეგახსენებთ, რომ პარლამენტის საგაზაფხულო სესია 24 ივნისს დაიხურა. რეგლამენტის თანახმად, საგაზაფხულო სესია ივნისის ბოლო პარასკევს იხურება.