უკრაინის გენერალური პროკურატურის ინფორმაციით, რუსეთის მიერ უკრაინაში წარმოებული სრულმასშტაბიანი ომის შედეგად 346 ბავშვია მოკლული.

მათივე ინფორმაციით, დაშავდა 645-ზე მეტი ბავშვი.

„6 ივლისის, უკრაინაში რუსეთის ფედერაციის სრულმასშტაბიანი შეიარაღებული აგრესიის შედეგად დაიღუპა 346 ბავშვი და დაშავდა 645-ზე მეტი“, - აღნიშნულია ინფორმაციაში.

გენერალურ პროკურატურაში განმარტავენ, რომ ეს მაჩვენებლები არ არის საბოლოო, რადგან გრძელდება მუშაობა დროებით ოკუპირებულ და გათავისუფლებულ ტერიტორიებზე, აქტიური საომარი მოქმედებების ადგილებზე.