პარლამენტში ოპოზიციური პოლიტიკური ჯგუფები ევროკომისიის მოთხოვნების შესასრულებლად სამოქმედო გეგმაზე მსჯელობენ

პარლამენტში ოპოზიციური პოლიტიკური ჯგუფები ევროკომისიის მოთხოვნების შესასრულებლად სამოქმედო გეგმაზე დისკუსიას აგრძელებენ.

"ლელოს" დეპუტატის, დავით უსუფაშვილის სამუშაო კაბინეტში შეხვედრას ესწრებიან: "სტრატეგია აღმაშენებლის" წარმომადგენლები - თეონა აქუბარდია, პაატა მანჯგალაძე, სერგო ჩიხლაძე, "კანონი და სამართლის" თავმჯდომარე თაკო ჩარკვიანი, "ნაციონალური მოძრაობის" დეპუტატი ლევან ბეჟაშვილი, "ლელოს" დეპუტატები: ანა ნაცვლიშვილი, სალომე სამადაშვილი და დავით უსუფაშვილი, "რესპუბლიკური პარტიის" თავმჯდომარე ხათუნა სამნიძე, "მოქალაქეების" დეპუტატი ლევან იოსელიანი, პარტია "საქართველოსთვის" დეპუტატი მიხეილ დაუშვილი. შეხვედრაზე მიწვეულები არიან "გირჩის" წარმომადგენლებიც, თუმცა, ჯერ ჯერობით "გირჩის" დეპუტატები შეხვედრაზე არ მისულან. ამავე საკითხზე ოპოზიციური ჯგუფები გუშინ არასამთავრობო სექტორის წარმომადგენლებსაც შეხვდნენ.

პირველი შეხვედრა ევროკომისიის მოთხოვნებთან დაკავშირებით სამოქმედო გეგმაზე საპარლამენტო ოპოზიციამ 4 ივლისს გამართა, სადაც რიგგარეშე სხდომის მოწვევის აუცილებლობაზე და მის დღის წესრიგზე იმსჯელეს.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს