ირაკლი ზარქუა - არახამია და ასეთი ადამიანები, თუ უსამშობლო ადამიანების რაიმე კატეგორია არსებობს, ასეთს მიეკუთვნება - ერთი ჩვეულებრივი „ნაცაქტივისტია"

არახამია და ასეთი ადამიანები, თუ უსამშობლო ადამიანების რაიმე კატეგორია არსებობს, ასეთს მიეკუთვნება - ვწუხვარ, რომ უკრაინელი ხალხი და უკრაინის სახელმწიფო არახამიასნაირ ტიპებს აბარიათ, - ამის შესახებ ჟურნალისტებთან საპარლამენტო უმრავლესობის წევრმა ირაკლი ზარქუამ განაცხადა, რითაც სანქციების თაობაზე უკრაინაში ფრაქცია „ხალხის მსახურის“ თავმჯდომარის, დავით არახამიას განცხადებას გამოეხმაურა.

ზარქუამ არახამიას „ნაცაქტივისტი" უწოდა.

„ქართველებს რუსულად, ოკუპანტის ენაზე გველაპარაკება, ვის სჯერა მისი პატრიოტიზმის?! ეს არის ერთი ჩვეულებრივი „ნაცაქტივისტი" საგარეო მიმართულებით, რომლის ინტერესიც არის რამენაირად ეს ქვეყანა ომში ჩართული იყოს, რევოლუცია გამოვიდეს, რომ შემდგომ მათი ბელადი, პატიმარი სააკაშვილი ამ გადატრიალებით ხელისუფლებაში მოვიდეს. ძალიან ვწუხვარ, რომ უკრაინელი ხალხი და უკრაინის სახელმწიფო არახამიასნაირ ტიპებს აბარიათ. უკრაინელი ხალხი ჩვენი მოძმე ხალხია და ჩვენ ყველაფერს გავაკეთებთ მათი ერთიანობისთვის.

ნუ უსმენთ ფასიან ლობისტებს, არახამიას და მსგავს ტიპებს. მოცემულია 12 პუნქტი, რაც საქართველომ უნდა შეასრულოს, ამისთვის მზად ვართ, შევთავაზეთ ოპოზიციას და არასამთავრობო სექტორს როგორ შეიძლება ეს პუნქტობრივად გავაკეთოთ იმაზე ადრე, ვიდრე 6- თვიანი ვადაა, რომელიც გვაქვს მოცემული. ის, ვინც ამ პროცესის ალტერნატიულ პროცესს წამოიწყებს, ან შეეცდება, რომ გარედან დაგვარტყას, ან ჩვენს ქვეყანას დაარტყას, არის მეხუთე კოლონის წარმომადგენელი,"- განაცხადა ზარქუამ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს