ირაკლი კობახიძემ დღევანდელი განცხადებით, ჩვენი მიდგომის სისწორე კიდევ ერთხელ დაადასტურა, - ამის შესახებ ჟურნალისტებთან "სტრატეგია აღმაშენებლის" დეპუტატმა პაატა მანჯგალაძემ განაცხადა.
მისი თქმით, რაკი "ქართული ოცნება" არის თაღლითი და „გადამგდები“, ვიდრე ოპოზიცია მასთან ახალ ურთიერთობასა და ახალ ნდობაში შევა, 19 აპრილის შეთანხმების პირობები შესრულება უნდა აიძულოს.
"19 აპრილის შეთანხმების პირობების შესრულება „ქართულ ოცნებას“ აქვს ვალად.
კობახიძემ გვიპასუხა, რომ ამის ახლა შესრულებას არ აპირებენ და როგორც ვალდებულებას მომავალში ავანსად აიღებენ. ეს კიდევ ერთხელ ადასტურებს ჩვენი მიდგომის სისწორეს - ქართული ოცნების ნდობა არ შეიძლება", - განაცხადა პაატა მანჯგალაძემ.
„ქართული ოცნება" მზადაა 2%-მდე დაწიოს საარჩევნო ბარიერი, თუ საქართველო დეკემბერში ევროკავშირის კანდიდატის კანდიდატის სტატუსს მიიღებს.
„დეკემბერში, ევროკავშირის მიერ საქართველოსთვის კანდიდატის სტატუსის მინიჭებიდან არაუგვიანეს 1 თვისა, საქართველოს პარლამენტი სამივე მოსმენით მიიღებს კონსტიტუციურ კანონს, რომლის თანახმად 2024 წლის და მისი მომდევნო საპარლამენტო არჩევნები სრულად პროპორციული სისტემით და 2%-იანი საარჩევნო ბარიერით ჩატარდება, - განაცხადა ირაკლი კობახიძემ.