ლევან ბეჟაშვილის ინფორმაციით, მას პარლამენტის თავმჯდომარესთან მიმდინარე შეხვედრაში მონაწილეობა არ მიუღია და აპარატის თანამშრომლებს ტექნიკურ საკითხებთან დაკავშირებით შეხვდა

ფრაქცია „ნაციონალური მოძრაობის" წევრის ლევან ბეჟაშვილის ინფორმაციით, მას პარლამენტის თავმჯდომარესთან მიმდინარე შეხვედრაში მონაწილეობა არ მიუღია და პაპუაშვილის სამუშაო კაბინეტში ამ მიზნით არ შესულა.

მისი თქმით, ის მხოლოდ პაპუაშვილის აპარატის თანამშრომლებს ტექნიკურ საკითხებთან დაკავშირებით შეხვდა, პაპუაშვილს კი, „ხელი ჩამოართვა".

"ერთიანი ნაციონალური მოძრაობა, ისევე როგორც სხვა ოპოზიციური პარტიები: "ლელო", სტრატეგია აღმაშენებელი" პარლამენტის თავმჯდომარის მიერ მოწვეულ ფორმატში მონაწილეობას არ ვიღებთ, რადგან მარტო დეპოლარიზაცია ევროკავშირის 12 პუნქტიანი გეგმის მთავარი საკითხი არ არის. 12 პუნქტის შესრულება კომპლექსურად უნდა განვიხილოთ. ბევრი საკითხი უკვე მომზადებულია საკანონმდებლო პროექტების დონეზე, რომელთა მიღებას სჭირდება არა კომისიები, არამედ ერთიანი პოლიტიკური ნების ქონა. ჩვენ ვითხოვთ, მოწვეულ იყოს პარლამენტის რიგგარეშე სესია, რა საკითხზეც ოპოზიციური პარტიები აქტიურად მუშაობენ", - განაცხადა ლევან ბეჟაშვილმა.

ევროკავშირის მიერ საქართველოსთვის დადგენილი 12-პუნქტიანი რეკომენდაციების შესრულების გეგმის ფარგლებში, რომელიც პოლიტიკურ ჯგუფებს “ქართულმა ოცნებამ“ შესთავაზა, პარლამენტის თავმჯდომარე შალვა პაპუაშვილი საპარლამენტო ჯგუფებს ხვდება.

შეხვედრას ოპოზიციიდან ესწრებიან "მოქალაქეების" დეპუტატი ლევან იოსელიანი, „გირჩის“ წევრი სანდრო რაქვიაშვილი, პარტია "საქართველოსთვის" დეპუტატი ანა ბუჩუკური და "რესპუბლიკური პარტიის" თავმჯდომარე ხათუნა სამნიძე.

უმრავლესობის მხრიდან შეხვედრას შალვა პაპუაშვილთან ადამიანის უფლებათა კომიტეტის თავმჯდომარე მიხეილ სარჯველაძე და იურიდიულ საკითხთა კომიტეტის თავმჯდომარე ანრი ოხანაშვილი ესწრებიან.

არსებული ინფორმაციით, შალვა პაპუაშვილი კოლეგებთან პოლიტიკური პოლარიზაციის შემცირების საკითხზე აპირებს საუბარს.

ემილ ავდალიანი - ყველაფერი რეგიონში საქართველოს უფრო მზარდ როლზე მოასწავებს, საჭიროა მხოლოდ შექმნილი ვითარების სწორად გამოყენება
ქართული პრესის მიმოხილვა 18.08.2022
ალექსეი გარანი - პუტინს უნდა რომ უკრაინა დათმობებზე წავიდეს, მაგრამ უკრაინა მშვიდობის სანაცვლოდ, ქვეყნის ტერიტორიულ მთლიანობასთან დაკავშირებული საკითხებით ვაჭრობას არ აპირებს
„ევროპელი სოციალისტების” წევრები, დავით ზილფიმიანი და ზაზა მიქაძე ერთობლივ განცხადებას ავრცელებენ
კომპანია PSP ფარმაცევტული სექტორის განვითარებაზე კონცენტრირდება და არაპროფილური ბიზნესებიდან გამოდის
კახა ოქრიაშვილი - საერთაშორისო იზოლაცია, უვიზო მიმოსვლის შეჩერება, ტოტალური გაღატაკება - აი, ეს მოაქვს ბატონ ივანიშვილს
გავლენიანმა საერთაშორისო ბიზნეს გამოცემა Global Finance-მა 2022 წლის გამარჯვებულები გამოავლინა