დიმიტრი ხუნდაძე - აშშ-ს ელჩის დუმილი და ომის პარტიების ირიბი თუ ღია მხარდაჭერა ანგრევს საქართველოში ევროატლანტიკურ ღირებულებებს, ეს არის სწორედ „ეფესბეს“ მიზანი

„ქართული ოცნებიდან“ გასული დეპუტატის, დიმიტრი ხუნდაძის განცხადებით, ამერიკის ელჩის დუმილი და ომის პარტიების ირიბი თუ ღია მხარდაჭერა, ანგრევს საქართველოში ევროატლანტიკურ ღირებულებებს.

მისი თქმით, საქართველო და მისი ხელისუფლება დღეს ორმხრივი ზეწოლის ქვეშ იმყოფება - ერთი მხრივ, დასავლეთის მხრიდან, ხოლო მეორე მხრივ რუსეთიდან ოკუპირებული ტერიტორიების შანტაჟითა და იარაღის ჟღარუნით.

„ამერიკის ელჩს შეუძლია ნეგატიური დუმილის ნაცვლად, პოზიტიურად გამიჯნოს გამიზნული დესტრუქცია და შესაძლო ომი საქართველოში, პროცესის სწორი განვითარების შესაძლებლობისაგან, რაც დიდი და პატარა ქვეყნების საერთო ინტერესში უნდა იქნას განხილული და არა ცალმხრივად.

რეალურად დღეს საქართველო და მისი ხელისუფლება ორმხრივი ზეწოლის ქვეშ იმყოფება; ერთი მხრივ, დასავლეთის მხრიდან ქრონიკული ღია კარის პოლიტიკით და მეორეს მხრივ, რუსეთიდან ოკუპირებული ტერიტორიების შანტაჟითა და იარაღის ჟღარუნით. საქართველოს კი თითქოს საკუთარ უსაფრთხოებაზე ფიქრის უფლებაც არ აქვს.

ევროინტეგრაცია და ნატო-ში გაწევრიანება საზოგადოების არჩევანია და ის მიმზიდველია სამართლიანობის, კანონის უზენაესობისა და თანასწორუფლებიანობის გამო და არა მის გარეშე.

უსამართლობა მიუღებელი იყო რუსული და უსამართლობა მიუღებელია დასავლურიც. ასეთ დამოკიდებულებაზე საქართველოს მიმართ ისაუბრა თავად უნგრეთის საგარეო საქმეთა მინისტრმაც.

მკაფიოდ ვაცხადებ, რომ ქართულ საზოგადოებას არ სურს ომი, რომელიც მის ინტერესებში არ შედის და მისთვის სასიცოცხლოდ სახიფათოა. და თუ ამას ვინმე რუსულ ნარატივს არქმევს, მაშინ რატომ საუბრობენ "პროევროპელი" ქართველი პოლიტიკოსები, და არა მხოლოდ ისინი, ომის რიტორიკით და ხელს უწყობენ რევოლუციის გზით ხელისუფლების შეცვლას, რაც ასევე ომის პერსპექტივას ნიშნავს.

საქართველოს არ სურს უკრაინის ბედი გაიზიაროს და მხოლოდ ეს იყოს მისთვის კანდიდატის სტატუსის მინიჭების ერთადერთი გზა.

ამერიკის ელჩის დუმილი და ომის პარტიების ირიბი თუ ღია მხარდაჭერა ანგრევს საქართველოში ევროატლანტიკულ ღირებულებებს.ეს არის სწორედ ეფესბეს მიზანი და ყველაზე დიდი ხიფათი საქართველოსთვის“,- განაცხადა ხუნდაძემ.

ემილ ავდალიანი - ყველაფერი რეგიონში საქართველოს უფრო მზარდ როლზე მოასწავებს, საჭიროა მხოლოდ შექმნილი ვითარების სწორად გამოყენება
ქართული პრესის მიმოხილვა 18.08.2022
ალექსეი გარანი - პუტინს უნდა რომ უკრაინა დათმობებზე წავიდეს, მაგრამ უკრაინა მშვიდობის სანაცვლოდ, ქვეყნის ტერიტორიულ მთლიანობასთან დაკავშირებული საკითხებით ვაჭრობას არ აპირებს
"გალფის" ინიციატივით 100 პირველკურსელს, რომელმაც ერთიან ეროვნულ გამოცდებში უმაღლესი ქულები მიიღო, ერთწლიანი ყოველთვიური სტიპენდია დაენიშნება
„საქართველოს ბანკის“ აქციების ღირებულება რეკორდულ მაქსიმუმზეა
„ევროპელი სოციალისტების” წევრები, დავით ზილფიმიანი და ზაზა მიქაძე ერთობლივ განცხადებას ავრცელებენ
კომპანია PSP ფარმაცევტული სექტორის განვითარებაზე კონცენტრირდება და არაპროფილური ბიზნესებიდან გამოდის