საპარლამენტო ოპოზიცია არასამთავრობო ორგანიზაციებს ხვდება

საპარლამენტო ოპოზიცია არასამთავრობო ორგანიზაციებს ხვდება. დახურული შეხვედრა პარლამენტში მიმდინარეობს. როგორც შეხვედრის დაწყების წინ, ფრაქცია “ნაციონალური მოძრაობის“ დეპუტატმა ლევან ბეჟაშვილმა განაცხადა, მნიშვნელოვანია არასაპარლამენტო ოპოზიციამ არასამთავრობო ორგანიზაციებთან ერთად პარლამენტის რიგგარეშე სხდომის დღის წესრიგის ჩამოყალიბება შეძლოს და “ქართულ ოცნებას“ სესიის მოწვევა აიძულოს.

ბეჟაშვილის თქმით, დრო არ ითმენს და პარლამენტმა მუშაობა, რაც შეიძლება მალე უნდა დაიწყოს.

“ქართული ოცნება“ ცდილობს პროცესი კომისიებსა და სამუშაო ჯგუფებში გააჭიანუროს, მაშინ როდესაც ბევრი საკითხი უკვე გადაწყვეტილია, კანონპროექტების სახით არსებობს და მასზე გადაწყვეტილებების მიღება ხვალვე შეიძლება. დრო არ ითმენს. მნიშვნელოვანია პარლამენტმა რიგგარეშე სხდომაზე კონკრეტული გადაწყვეტილებები მიიღოს“, - განაცხადა ლევან ბეჟაშვილმა.

როგორც "ლელოს" დეპუტატმა, სალომე სამადაშვილმა აღნიშნა, დაუყოვნებლივ უნდა დაიწყოს იმ საკანონმდებლო ცვლილებების განხილვა და მიღება პარლამენტში, რაც შედის ევროკავშირის 12 - პუნქტიანი მოთხოვნების შესრულების გეგმაში.

"სწორედ ამისთვის იმართება დღევანდელი შეხვედრა. ჩვენ ვნახეთ, რა არის "ქართული ოცნების" გეგმა. ისინი არ მალავენ და კობახიძემ გუშინ გამოაცხადა, რომ თუ სტატუსს მოგვანიჭებენ, მაშინ შეიძლება შეასრულოს ვალდებულებები, რასაც ევროკავშირი ითხოვს. ეს არის რეალური გეგმა "ქართული ოცნების", რომ საბოლოოდ ჩააგდონ სტატუსის მიღების პროცესი", - განაცხადა სამადაშვილმა.

გიორგი ბილანიშვილი - ჩვენი სტრატეგიული პარტნიორებისგან განსხვავებით, მოსკოვი ნამდვილად არ უნდა იყოს უკმაყოფილო იმით, რაც ახლა საქართველოში ხდება
ქართული პრესის მიმოხილვა 04.08.2022
ხათუნა ბურკაძე - აგვისტოს ომიდან 14 წლის განმავლობაში რუსეთის უცვლელი, უკიდურესად აგრესიული პოლიტიკის შესაჩერებლად საერთაშორისო სისტემის გარდაქმნაა აუცილებელი
სოფიო გრაკალიშვილი  - საქართველოს სადაზღვევო ჯგუფის სურვილია მომხმარებელმა ყველაფერი იცოდეს დაზღვევის პირობების შესახებ და საინფორმაციო ფურცელზე ხელმოწერა არ იყოს ფორმალური პროცედურა
„ფინანსთა მინისტრის გადაწყვეტილება ბიზნესის საუკეთესო ინტერესებზეა ორიენტირებული“ - ლოგისტიკური კომპანია საბაჟო დეპარტამენტის ნაბიჯს მიესალმება