თამარ კორძაია - თუ „ქართული ოცნება“ მოტივირებულია, რომ დეპოლარიზაცია შეამციროს, მაშინ მან თავის წარსულიდან გამომდინარე, უნდა გადადგას კონკრეტული ნაბიჯები ნდობის აღსადგენად

თუ „ქართული ოცნება“ მოტივირებულია, რომ დეპოლარიზაცია შეამციროს, მაშინ მან თავის წარსულიდან გამომდინარე, უნდა გადადგას კონკრეტული ნაბიჯები ნდობის აღსადგენად. ასეთი საკითხები გამოიკვეთა, რომელსაც არ სჭირდება სამუშაო ჯგუფების შექმნა, - ამის შესახებ ოპოზიციონერმა დეპუტატმა თამარ კორძაიამ საპარლამენტო ოპოზიციასა და არასამთავრობო ორგანიზაციებს შორის შეხვედრის დასრულების შემდეგ, ჟურნალისტებს განუცხადა.

მისი თქმით, თუ „ქართული ოცნება“ ამ პროცესზე უარს იტყვის, ეს იმას ნიშნავს, რომ მას არ უნდა დეპოლარიზაცია.

„პირველი ეტაპი არის ის საკვანძო საკითხები, რომლებიც შეიძლება უახლოეს პერიოდში იქნას ინიცირებული და გადაწყვეტილი. თუ „ქართული ოცნება“ მოტივირებულია, რომ დეპოლარიზაცია შეამციროს, მაშინ მან თავის წარსულიდან გამომდინარე, უნდა გადადგას კონკრეტული ნაბიჯები ნდობის აღსადგენად. ასეთი საკითხები გამოიკვეთა, რომელსაც არ სჭირდება სამუშაო ჯგუფების შექმნა, რადგან ეს პროექტები გამზადებული სახით არსებობს. ამიტომ, ჩვენ ვთვლით, რომ თვითონ „ქართულმა ოცნებამ“ უნდა გადმოდგას ნაბიჯი სწორედ დეპოლარიზაციისთვის და იმის საჩვენებლად, რომ ის არის სერიოზულად განწყობილი ოპოზიციასთან სათანამშრომლოდ. მაგალითად, იუსტიციის უმაღლესი საბჭოს ვაკანტურ ადგილებზე კონკურსის გამოცხადება და არამოსამართლე წევრების არჩევა. ამას არ სჭირდება სამუშაო ჯგუფის შექმნა, კანონპროექტის შემუშავება და ა.შ. თუ ის ამაზე არ წამოვა, ეს ნიშნავს, რომ მას არ უნდა დეპოლარიზაცია. ჩვენმა საზოგადოებამ არაერთხელ დაინახა როგორი იტყუება ის, მათ შორის კანდიდატის სტატუსის ვერმიღების ნაწილში ძალიან მნიშვნელოვანი როლი შეასრულა იმან, რომ „ქართული ოცნება“ შარლ მიშელის შეთანხმებიდან გავიდა. ამიტომ, მან ნდობა უნდა მოიპოვოს, როგორც ოპოზიციასთან და საზოგადოებასთან, ისე საერთაშორისო პარტნიორებთან“, - განაცხადა თამარ კორძაიამ.

გიორგი ბილანიშვილი - ჩვენი სტრატეგიული პარტნიორებისგან განსხვავებით, მოსკოვი ნამდვილად არ უნდა იყოს უკმაყოფილო იმით, რაც ახლა საქართველოში ხდება
ქართული პრესის მიმოხილვა 04.08.2022
ხათუნა ბურკაძე - აგვისტოს ომიდან 14 წლის განმავლობაში რუსეთის უცვლელი, უკიდურესად აგრესიული პოლიტიკის შესაჩერებლად საერთაშორისო სისტემის გარდაქმნაა აუცილებელი
სოფიო გრაკალიშვილი  - საქართველოს სადაზღვევო ჯგუფის სურვილია მომხმარებელმა ყველაფერი იცოდეს დაზღვევის პირობების შესახებ და საინფორმაციო ფურცელზე ხელმოწერა არ იყოს ფორმალური პროცედურა
„ფინანსთა მინისტრის გადაწყვეტილება ბიზნესის საუკეთესო ინტერესებზეა ორიენტირებული“ - ლოგისტიკური კომპანია საბაჟო დეპარტამენტის ნაბიჯს მიესალმება