მამუკა მამულაშვილი „კადიროველებს“ პიარის მოყვარულებს უწოდებს და აცხადებს, რომ ისინი კავკასიისა და თავისი ხალხის მოღალატეები არიან

ქართული ეროვნული ლეგიონის დამაარსებელი და მეთაური მამუკა მამულაშვილი, რომელიც უკრაინას მტრისგან დაცვაში ეხმარება, „კადიროველებზე“ ჰყვება და მათ პიარის მოყვარულებს უწოდებს.

„ისინი მხოლოდ პიარს იკეთებენ და მოღალატეები არიან“,- აცხადებს მამუკა მამულაშვილი უკრაინულ მედიასთან ინტერვიუში.

„ლეგიონი ახლა სპეციალური ოპერაციების ძალების შემადგენლობაში შედის და უკრაინის სამხრეთ -აღმოსავლეთით ფრონტის თითქმის მთელი ხაზის გასწვრივ არის განთავსებული. საკმარისი ვართ იმისთვის, რომ ფრონტის ხაზი მოვიცვათ“,- განაცხადა მამულაშვილმა.

ქართული ლეგიონის მეთაური განმარტავს, რომ რუსეთის ფედერაციის სამხედროებსა და ოკუპანტების ჯარში მობილიზებულ თვითგამოცხადებული ფსევდორესპუბლიკების წარმომადგენლებს შორის არავითარი მენტალური სხვაობა არ არსებობს და არაფრით განსხვავდებიან მომზადების თვალსაზრისითაც. რაც შეეხება კადიროველებს, ისინი უბრალოდ პიარს იკეთებენ ამ ომში. ისინი გარიყულები არიან რუსული ჯარისგან. კადიროველებს თავისი მიმართულება აქვთ - პიარი გააკეთონ რუსების სიკვდილის ხარჯზე და საკუთარი ხალხის სიკვდილის ხარჯზეც კი. ადამიანებმა, რომლებმაც უღალატეს თავის ქვეყანას, ყველაფერზე წამსვლელები არიან. ისინი კავკასიისა და თავისი ხალხის მოღალატეები არიან“,- განაცხადა მამუკა მამულაშვილმა.

ცნობისთვის, ქართულ ეროვნულ ლეგიონში მხოლოდ ქართველები არ შედიან. მასში ერთიანდებიან მოხალისეები ბრიტანეთიდან, ამერიკიდან, ჯამში ლეგიონში 32 ქვეყნის წარმომადგენელია.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს