იაგო ხვიჩია - მიხეილ სააკაშვილს არ გააჩნია ეჭვები, რომ „გირჩი“„ქართული ოცნების“ თამაშს თამაშობს, რაც მისმა გუნდელებმა დაგვაბრალეს - შევპირდი, რომ ყველაფერს გავაკეთებ ჩვენი გეგმის განსახორციელებლად, რომლის ერთი ნაწილია მისი პატიმრობიდან გათავისუფლება

მიხეილ სააკაშვილს შევპირდი, რომ ყველაფერს გავაკეთებდი ჩვენი გეგმის განსახორციელებლად, რომლის ერთი ნაწილიც უშუალოდ არის დაკავშირებული მისი პატიმრობიდან გათავისუფლებასთან, - ამის შესახებ „გირჩის“ ლიდერმა იაგო ხვიჩიამ „ვივამედის“ კლინიკაში მიხეილ სააკაშვილის მონახულების შემდეგ განაცხადა.

იაგო ხვიჩიას შეფასებით, სააკაშვილის პატიმრობა ევროინტეგრაციის პროცესს უშლის ხელს, შესაბამისად ეს საკითხი „ნაციონალური მოძრაობის“ წევრებისთვის მნიშვნელოვანი უნდა იყოს და „ტყუილად ყვირილის ნაცვლად, თქვან, რომ სააკაშვილის გათავისუფლების სანაცვლოდ სხვანაირად მოიქცევიან“.

„პრეზიდენტთან შეხვედრა და საუბარი საინტერესო იყო. მაინტერესებდა, როგორ უყურებდა ინიციატივას, რომელიც პოლიტიკურ სპექტრს შევთავაზეთ და მისმა გუნდელებმა „ქართულ ოცნებასთან“ შეკვრა დაგვაბრალეს. სააკაშვილს არ გააჩნია კითხვები და ეჭვები, რომ ჩვენ „ქართული ოცნების“ თამაშს ვთამაშობთ. შევპირდი, რომ ყველაფერს გავაკეთებდი ჩვენი გეგმის განსახორციელებლად, რომლის ერთი ნაწილიც უშუალოდ არის დაკავშირებული მისი პატიმრობიდან გათავისუფლებასთან. მისი პატიმრობა პირდაპირ უშლის ევროინტეგრაციის პროცესს ხელს. მოვუწოდებ „ნაციონალური მოძრაობის” წევრებს, რომ ეს საკითხი იყოს მათთვის მნიშვნელოვანი, ტყუილად კი არ იყვირონ, თქვან, რომ სააკაშვილის გათავისუფლების სანაცვლოდ სხვანაირად მოიქცევიან“, - აღნიშნა იაგო ხვიჩიამ.

თენგიზ ფხალაძე - რუსეთის ყველა უკანონო ნაბიჯი მოითხოვს რეაგირებას, მოსკოვმა უნდა გადაიხადოს პოლიტიკური ფასი საქართველოს წინააღმდეგ ჩადენილი ყველა დანაშაულისათვის, დუმილით კი ამას ვერ მივაღწევთ
ქართული პრესის მიმოხილვა 08.08.2022
კახა ოქრიაშვილი აგვისტოს ომის მე-14 წლისთავთან დაკავშირებით განცხადებას ავრცელებს